Get the latest news at
your fingertips!
Download our app now
LIVE TV
Search
ബലോച്മന്‍ സ്ട്രീറ്റ്: കൊല്‍ക്കത്തയിലെ ബലോച്മന്‍ സ്ട്രീറ്റിൽ സ്ഫോടനം. ബലോച്മന്‍ സ്ട്രീറ്റിലെ എസ്എന്‍ ബാനര്‍ജി റോഡില്‍ ഇന്ന് ഉച്ചയ്ക്ക് 1.45 ഓടെയാണ് സ്ഫോടനം നടന്നത്. സ്‌ഫോടനത്തില്‍ ഒരാള്‍ക്ക് പരിക്കേറ്റു.ആക്രി ശേഖരിച്ച് വില്‍പന നടത്തുന്ന ബാപി ദാസ് എന്ന 58കാരനാണ് പരിക്കേറ്റത്.
പരിക്കേറ്റയാളെ എന്‍ആര്‍എസ് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇയാളുടെ നില ഗുരുതരമല്ല. ബോംബ് സ്‌ക്വാഡ് സ്ഥലത്തെത്തി പരിശോധന നടത്തി. ഫോറന്‍സിക് സംഘവും സ്ഥലത്തെത്തി. സംഭവത്തില്‍ വിശദ അന്വേഷണം നടത്തിവരികയാണെന്ന് പൊലീസ് അറിയിച്ചു.
സംഭവത്തില്‍ എന്‍ഐഎ അന്വേഷണം വേണമെന്ന് കേന്ദ്രമന്ത്രി സുകാന്ത മജുംദാര്‍ പറഞ്ഞു. സ്‌ഫോടനത്തില്‍ ആശങ്കയുണ്ട്. പൊലീസ് അന്വേഷണത്തില്‍ വിശ്വാസമില്ല. സംഭവം എന്‍ഐഎ തന്നെ അന്വേഷിക്കണമെന്നും കേന്ദ്രമന്ത്രി ആവശ്യപ്പെട്ടു. മുഖ്യമന്ത്രി മമത ബാനര്‍ജിക്കെതിരെയും സുകാന്ത വിമര്‍ശനം ഉന്നയിച്ചു. മമത ബാനര്‍ജിയുടെ ഭരണത്തില്‍ സംസ്ഥാനത്തെ ക്രമസമാധാനനില തകര്‍ന്നുവെന്ന് സുകാന്ത ആരോപിച്ചു.
