Get the latest news at
your fingertips!
Download our app now
LIVE TV
Search
ഭോപാൽ: മധ്യപ്രദേശിൽ ആറ് വയസുകാരിയെ ബലാത്സംഗം ചെയ്ത് 21കാരൻ. ദിൻഡോറി ഗ്രാമത്തിലാണ് സംഭവം. ഗുരുതരമായി പരിക്കേറ്റ കുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.
ഞായറാഴ്ച ഷാഹ്പുര പൊലീസ് സ്റ്റേഷൻ പരിധിയിലായിരുന്നു കേസിനാസ്പദമായ സംഭവം. അമ്മയുടെ കുടുംബത്തോടൊപ്പമായിരുന്നു കുട്ടി താമസിച്ചിരുന്നത്. കുട്ടി വീട്ടിൽ തനിച്ചാണെന്ന് കണ്ടെത്തിയ പ്രതി വീട്ടിൽ അതിക്രമിച്ച് കയറുകയും കുട്ടിയെ ലൈംഗികമായി പീഡിപ്പിക്കുകയുമായിരുന്നു.
സമീപത്തെ വീട്ടിലുള്ള കുട്ടിയാണ് സംഭവത്തെ കുറിച്ച് ആക്രമിക്കപ്പെട്ട കുട്ടിയുടെ മുത്തശ്ശിയെ വിവരമറിയിക്കുന്നത്. കുട്ടി വീടിനുള്ളിൽ അർധനഗ്നയായി കിടക്കുന്നത് കണ്ടെന്നായിരുന്നു അയൽവാസിയുടെ പരാമർശം പിന്നാലെ വീട്ടിലെത്തി അന്വേഷിച്ചപ്പോഴാണ് കുട്ടി ലൈംഗിക പീഡനത്തിന് ഇരയായതായി കണ്ടെത്തിയത്. പിന്നാലെ പൊലീസിൽ പരാതി നൽകുകയായിരുന്നു. കുട്ടിയുടെ സ്വകാര്യഭാഗത്തു നിന്നും രക്തമൊലിക്കുന്നുണ്ടായിരുന്നുവെന്നും മുത്തശ്ശി പൊലീസിനോട് പറഞ്ഞു.
സംഭവത്തിന് പിന്നാലെ കുട്ടിയെ ജില്ലാ ആശുപത്രിയിലെത്തിച്ചു. എന്നാൽ ആരോഗ്യസ്ഥിതി മോശമായതിനാൽ ജബൽപൂരിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. സംഭവത്തിൽ പ്രതിയായ 21കാരനെ പൊലീസ് അറസ്റ്റ് ചെയ്തിട്ടുണ്ട്.
Content Highlight: Six year old raped in Madhya Pradesh; Accused held, girl under treatment as health deteriorated
