ബെം​ഗളൂരുവിൽ നിർമാണത്തിലിരുന്ന കെട്ടിടം തകർന്നുവീണു; മൂന്ന് മരണം; 17 പേർ കുടുങ്ങിക്കിടക്കുന്നു, വീഡിയോ

ബെം​ഗളൂരു: ബെം​ഗളൂരുവിൽ നിർമാണത്തിലിരുന്ന കെട്ടിടം തകർന്നുവീണ് മൂന്ന് പേർക്ക് ദാരുണാന്ത്യം. 17ഓളം തൊഴിലാളികൾ കെട്ടിടാവശിഷ്ടങ്ങൾക്കടിയിൽ കുടുങ്ങി കിടക്കുന്നതായാണ് സൂചന. ബെംഗളൂരുവിലെ ബാബുസാ പള്ളിയയിലാണ് സംഭവം.

അ​ഗ്നിരക്ഷാസേനയും പൊലീസും നടത്തിയ തിരച്ചിലിലാണ് മൂന്ന് പേരുടെ മൃതദേഹങ്ങൾ കണ്ടെടുത്തത്. മറ്റ് മൂന്ന് പേരെ രക്ഷപ്പെടുത്തി. കുടുങ്ങിക്കിടക്കുന്നവർക്കായുള്ള തിരച്ചിൽ പുരോ​ഗമിക്കുകയാണ്. വിഷയത്തിൽ പൊലീസ് ഒദ്യോ​ഗിക വിശദീകരണം നടത്തിയിട്ടില്ല.

കെട്ടിടാവശിഷ്ടങ്ങൾക്കിടയിൽ നിന്നും രക്ഷപ്പെട്ട യുവാവ് അപകടത്തെ കുറിച്ച് നൽകിയ വിവരങ്ങളുടെ അടിസ്ഥാനത്തിലാണ് ഉദ്യോ​ഗസ്ഥർ രക്ഷാപ്രവർത്തനങ്ങൾ നടത്തിയത്. സംഭവത്തിന് പിന്നാലെ ഡിസിപി ദേവരാജുമായി മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡി കെ ശിവകുമാർ എന്നിവർ ഫോണിൽ സംസാരിച്ചിരുന്നു.

ബെം​ഗളൂരുവിൽ കഴിഞ്ഞ ഏതാനും ദിവസങ്ങളായി കനത്ത മഴ തുടരുകയായിരുന്നു. ഇതിനിടെയും കെട്ടിട നിർമ്മാണം നടത്തിയതാണ് അപകടത്തിന് കാരണമെന്നാണ് പ്രാഥമിക നി​ഗമനം. നാല് നിലകൾ നിർമിക്കാനായിരുന്നു കെട്ടിട ഉടമയായ ആന്ധ്ര പ്രദേശ് സ്വദേശി മുനിരാജ റെഡ്ഡി അനുമതി തേടിയിരുന്നത്. എന്നാൽ മഴ കനക്കുന്നതിനിടയിലും രണ്ട് നിലകൾ കൂടി പണിതതോടെയാണ് കെട്ടിടം നിലപതിച്ചതെന്നാണ് റിപ്പോർട്ട്.

Under Construction Building Comes Crashing Down In Seconds in Bengaluru#bengalore #buildingcollapse #northeastlive pic.twitter.com/NUsYtjmFuC

— Northeast Live (@NELiveTV) October 22, 2024

അതേസമയം ബെം​ഗളൂരുവിൽ മഴ കനത്തതോടെ വിവിധ സാഹചര്യങ്ങളിലായി അ‍ഞ്ച് പേരാണ് ചൊവ്വാഴ്ച മരണപ്പെട്ടത്. മഴ ശക്തമായി തുടരുന്ന സാഹചര്യത്തിൽ ബെം​ഗളൂരുവിൽ സ്കൂളുകൾക്കും അം​ഗനവാടികൾക്കും അവധി പ്രഖ്യാപിച്ചിട്ടുണ്ട്. ബെം​ഗളൂരു ഉൾപ്പെടെ സംസ്ഥാനത്തെ 10 ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. തമിഴ്നാട്ടിലും വരും ദിവസങ്ങളിൽ മഴ ശക്തമാകുമെന്നാണ് നി​ഗമനം.

Content Highlight: Three killed as under construction building collapsed in Bengaluru. Heavy rains continue in Bengaluru resulting closure of schools

National

National

'മഹാരാഷ്ട്രയിലെ ജനങ്ങൾ എന്നോട് ഇങ്ങനെ ചെയ്തുവെന്ന് വിശ്വസിക്കാനാകുന്നില്ല'; തോൽവിയിൽ ഉദ്ധവ് താക്കറെ

National

മുഖ്യമന്ത്രി ഏക്നാഥ് ഷിൻഡെയോ, ഫഡ്‌നാവിസോ? മഹായുതിയിൽ നിർണായക ചർച്ചകൾ ഇന്ന്

National

ഹെയര്‍ ഡ്രയര്‍ പൊട്ടിത്തെറിച്ച്‌ യുവതിയുടെ കൈപ്പത്തികൾ അറ്റ സംഭവം; കൊലപാതക ശ്രമമെന്ന് പൊലീസ്

National

മത്സരിച്ച നാലിൽ മൂന്നിടങ്ങളിലും കെട്ടി വെച്ച പണം പോലും കിട്ടിയില്ല; പ്രതികരണവുമായി പ്രശാന്ത് കിഷോർ