Get the latest news at
your fingertips!
Download our app now
LIVE TV
Search
ബെംഗളൂരു: പടക്കത്തിന്റെ മുകളിൽ ഇരിക്കുന്നവർക്ക് ഓട്ടോറിക്ഷ നേടാമെന്ന സുഹൃത്തുക്കൾക്കിടയിലെ വിചിത്ര ബെറ്റിൽ പൊലിഞ്ഞത് ഒരു മനുഷ്യജീവൻ. ബെംഗളുരുവിൽ ദിപാവലി ദിവസം രാത്രിയാണ് മദ്യലഹരിയിൽ യുവാക്കൾ നടത്തിയ വിചിത്ര മത്സരത്തിൽ ഒരു യുവാവ് മരണമടഞ്ഞത്. സംഭവത്തിന്റെ വീഡിയോ ദൃശ്യങ്ങൾ പുറത്തുവന്നിട്ടുണ്ട്.
32 വയസുള്ള ശബരീഷ് എന്ന യുവാവാണ് മരിച്ചത്. മദ്യലഹരിയിലായിരുന്ന തന്റെ കൂട്ടുകാരുമൊത്ത് ഒരു ഓട്ടോറിക്ഷയ്ക്ക് വേണ്ടിയാണ് ശബരീഷ് ഇത്തരത്തിൽ ചെയ്തത്. പടക്കം കത്തിച്ചുവെച്ചിട്ടുള്ള ഒരു വലിയ കാർഡ്ബോർഡ് പെട്ടിയുടെ മുകളിൽ ഇരിക്കാനായിരുന്നു ബെറ്റ്. ഇതനുസരിച്ച് ശബരീഷ് കാർഡ്ബോർഡ് പെട്ടിയുടെ മുകളിൽ ഇരിക്കുകയും കൂട്ടുകാർ പടക്കത്തിന് തീ കൊളുത്തി മാറി നിൽക്കുകയും ചെയ്തു.
In a heartbreaking incident in Konanakunte, 32-year-old Shabarish tragically lost his life when a box of firecrackers exploded beneath him. According to reports, Shabarish’s friends had dared him to sit on the box filled with firecrackers, promising to buy him an autorickshaw if… pic.twitter.com/PerMA6AP3q
— Karnataka Portfolio (@karnatakaportf) November 4, 2024
എന്നാൽ പടക്കം പൊട്ടിയ ശേഷം കുറച്ച് നിമിഷത്തേക്ക് ഒന്നും ചെയ്യാൻ കഴിയാതെയിരുന്ന ശബരീഷ് പിന്നീട് മരണപ്പെടുകയാണുണ്ടായത്. അപകടത്തിൽ ശബരീഷിനോട് ആന്തരികാവയവങ്ങളെല്ലാം തകർന്നിരുന്നു എന്നാണ് റിപ്പോർട്ട്. പടക്കം പൊട്ടിയ ശേഷമുണ്ടായ കനത്ത പുകപടലങ്ങൾക്കിടയിലൂടെ, റോഡിൽ വീണുകിടക്കുന്ന ശബരീഷിനെയാണ് സുഹൃത്തുക്കൾ കണ്ടത്. കൂടെയുണ്ടായിരുന്ന ആറ് സുഹൃത്തുക്കളെയും അറസ്റ്റ് ചെയ്ത പൊലീസ് കുറ്റകരമായ നരഹത്യയ്ക്ക് കേസ് ചുമത്തുകയും കോടതിയിൽ ഹാജരാക്കുകയും ചെയ്തു.
Content Highlights: Man Sits On Firecracker In Bet For New Vehicle, Explosion Kills Him
