Get the latest news at
your fingertips!
Download our app now
LIVE TV
Search
മുംബൈ: ബോളിവുഡില്‍ സല്‍മാന്‍ ഖാന് നേരെയുള്ള നിരന്തരമുള്ള വധഭീഷണിക്ക് പിന്നാലെ ഷാരൂഖ് ഖാനും ഭീഷണി. 50 ലക്ഷം നല്‍കിയില്ലെങ്കില്‍ കൊല്ലുമെന്നാണ് ഭീഷണി. വിഷയത്തില്‍ പൊലീസ് എഫ്‌ഐആര്‍ രജിസ്റ്റര്‍ ചെയ്തിട്ടുണ്ട്.
ബാന്ദ്രാ പൊലീസ് സ്റ്റേഷന് കീഴില്‍ തിരിച്ചറിയാത്ത വ്യക്തിയുടെ പേരില്‍ കൊള്ളക്കേസ് രജിസ്റ്റര്‍ ചെയ്തിട്ടുണ്ടെന്ന് മുംബൈ പൊലീസ് വ്യക്തമാക്കി. ഭാരതീയ ന്യായ സംഹിത (ബിഎന്‍എസ്)യ്ക്ക് കീഴില്‍ 308 (4), 351 (3)(4) എന്നീ വകുപ്പുകള്‍ പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്. ഫോണ്‍ കോളിനെക്കുറിച്ചുള്ള വിവരങ്ങള്‍ മുംബൈ പൊലീസ് കണ്ടെത്തിയിട്ടുണ്ട്.
കൂടുതല്‍ അന്വേഷണത്തിന് വേണ്ടി മുംബൈ പൊലീസിലെ ഒരു സംഘം ഛത്തീസ്ഗഡിലേക്ക് തിരിച്ചു. ഛത്തീസ്ഗഡിലെ റായ്പൂരില്‍ നിന്നാണ് ഫോണ്‍ കോള്‍ വന്നതെന്ന സൂചനയുണ്ടെങ്കിലും പൊലീസ് സ്ഥിരീകരിച്ചിട്ടില്ല. എന്നാല്‍ വിഷയത്തില്‍ ഫൈയാസ് ഖാന് എന്നൊരാള്‍ക്ക് മുംബൈ പൊലീസ് നോട്ടീസ് നല്‍കിയിട്ടുണ്ടെന്ന് റായ്പൂര്‍ പൊലീസ് അറിയിക്കുന്നു.
അതേസമയം സല്‍മാന്‍ ഖാന് നേരെയുള്ള പുതിയ ഭീഷണിയില്‍ അഞ്ചു കോടി രൂപയാണ് മോചനദ്രവ്യമായി ആവശ്യപ്പെട്ടിരിക്കുന്നത്. ഭീഷണിയില്‍ വര്‍ളി പൊലീസ് സ്റ്റേഷനില്‍ കേസ് രജിസ്റ്റര്‍ ചെയ്തിട്ടുണ്ട്. സന്ദേശം വന്ന മൊബൈല്‍ ഫോണ്‍ നമ്പര്‍ പൊലീസ് അന്വേഷിക്കുകയാണെന്ന് മുംബൈ പൊലീസ് വ്യക്തമാക്കി.
Content Highlights: Shah Rukh Khan receives death threats
