Get the latest news at
your fingertips!
Download our app now
LIVE TV
Search
കാൺപൂർ: ഓടിക്കൊണ്ടിരുന്ന ട്രെയിനിൽ നിന്ന് വീണ യുവതിക്ക് രക്ഷകരായി റെയിൽവേ പൊലീസ്. വെള്ളിയാഴ്ച കാൺപൂർ സെൻട്രൽ റെയിൽവേ സ്റ്റേഷനിലാണ് സംഭവമുണ്ടായത്. ട്രെയിനിനും പ്ലാറ്റ്ഫോമിനും ഇടയിലേക്ക് വീണ യുവതിയെ റെയിൽവേ പൊലീസ് രക്ഷിക്കുകയായിരുന്നു. ഇതിൻറെ വീഡിയോ സാമൂഹ്യമാധ്യമങ്ങളിൽ പ്രചരിക്കുകയാണ് കാൺപൂരിൽ നിന്ന് ഡൽഹിയിലേക്ക് കുടുംബത്തോടൊപ്പം യാത്ര ചെയ്യുകയായിരുന്നു യുവതി.
ഇവർ ട്രെയിനിൽ കയറിയെങ്കിലും കുട്ടികൾക്ക് കയറാനായില്ല. ട്രെയിൻ നീങ്ങാൻ തുടങ്ങിയപ്പോൾ, കോച്ചിൻ്റെ വാതിലിന് പുറത്ത് ചാരി നിന്നുകൊണ്ട് അവർ സഹായത്തിനായി നിലവിളിച്ചു. അവരെ സുരക്ഷിതയാക്കാൻ രണ്ട് പൊലീസുകാർ പ്ലാറ്റ്ഫോമിലൂടെ നടക്കുന്നുണ്ട്.
ഇതിനിടെയാണ് യുവതി ട്രെയിനിനും പ്ലാറ്റ്ഫോമിനും ഇടയിൽ വീണത്. സംഭവം നടന്നയുടൻ പൊലീസ് ഇവരെ രക്ഷിക്കുകയായിരുന്നു. സ്‌റ്റേഷൻ ഡ്യൂട്ടിയിലായിരുന്ന അനൂപ് കുമാർ പ്രജാപതിയാണ് യുവതിയെ രക്ഷിച്ചത്. ജീവൻ രക്ഷിച്ചതിന് യുവതിയും വീട്ടുകാരും അനൂപിനെ നന്ദി അറിയിച്ചു. സാമൂഹ്യമാധ്യമങ്ങളിലും അനൂപിന് അഭിനന്ദന പ്രവാഹമാണ്.
In Uttar Pradesh's Kanpur Central Railway Station, a woman attempting to deboard a moving train got stuck in the gap between the platform and the train. Alert cops rushed to pull her up within seconds saving her life. A video of the incident is now circulating on the internet. pic.twitter.com/uwnARAeFVR
— Pratidin Time (@pratidintime) November 25, 2024
Content Highlights: Woman Falls From Moving Train In UP and Rescued By Cop Within Seconds
