അദാനിയിൽ തട്ടി വീണ്ടും പാർലമെൻ്റ്; പ്രതിപക്ഷ ബഹളത്തിൽ ഇന്നും സഭാ സ്തംഭനം

ന്യൂ ഡൽഹി: അദാനി വിഷയത്തിൽ ഇരുസഭകളും ബഹളത്തിൽ മുങ്ങിയതോടെ രാജ്യസഭയും ലോക്സഭയും ഇന്നത്തേയ്ക്ക് പിരിഞ്ഞു. രാവിലെ കോൺഗ്രസ് പാർലമെന്ററി പാർട്ടി യോഗം അദാനി വിഷയത്തിൽ പ്രതിഷേധം ശക്തമാക്കാൻ ഉള്ള തീരുമാനം അംഗീകരിച്ചിരുന്നു. തുടർന്നുചേർന്ന ഇൻഡ്യ മുന്നണി യോഗത്തിലും ഈ നിർദ്ദേശത്തിന് ആണ് മേൽ കൈ ലഭിച്ചത്. തൃണമൂൽ കോൺഗ്രസ്സ്, എന്‍സിപി ശരദ് പവാർ വിഭാഗം എന്നിവർ പ്രതിഷേധം പ്രതീകാത്മകമായി മതി എന്ന അഭിപ്രായം മുന്നോട്ട് വച്ചിരുന്നു.

രാവിലെ സഭാനടപടികൾ തുടങ്ങുമ്പോൾ തന്നെ പ്രതിപക്ഷം അദാനി വിഷയവുമായി രംഗത്തെത്തിയിരുന്നു. രാവിലെ സഭാ സമ്മേളിച്ചപ്പോൾ അടിയന്തര പ്രമേയത്തിന് അവതരണാനുമതി നിഷേധിക്കുകയാണെന്ന് സ്പീക്കർ ലോക്സഭയിൽ വ്യക്തമാക്കി. രാജ്യസഭയിലും സമാനമായിരുന്നു സാഹചര്യം. റൂൾ 267 അടിയന്തര ആവശ്യങ്ങൾ ഉന്നയിക്കാൻ ഉള്ളത് മാത്രമാണെന്ന് ചെയർമാൻ വ്യക്തമാക്കി. ഇരുസഭകളും പ്രക്ഷുബ്ധമായതിനെ തുടർന്ന് ആദ്യം 12 മണി വരെയും പിന്നീട് ഇന്നത്തേക്കും നടപടികൾ ഉപേക്ഷിക്കുകയായിരുന്നു. പാർലമെന്റ് മന്ദിരത്തിൽ പ്രധാനമന്ത്രിയുടെ അധ്യക്ഷതയിൽ മന്ത്രിതല - ബിജെപി നേതൃ യോഗം വിവിധ വിഷയങ്ങൾ ചർച്ച ചെയ്തു. അദാനി വിഷയത്തിൽ പ്രതിപക്ഷത്തിന്റെ സമ്മർദ്ദത്തിന് വഴങ്ങേണ്ട നിലപാട് പ്രധാനമന്ത്രി യോഗത്തിൽ വ്യക്തമാക്കി. ശേഷം ഇരുസഭകളും ആരംഭിച്ചപ്പോൾ വീണ്ടും ബഹളമായി. ഇതോടെ സഭകൾ പിരിച്ചുവിടുകയായിരുന്നു.

പാർലമെന്റ് സമ്മേളനം തുടങ്ങി ഒരാഴ്ച പിന്നിട്ടിട്ടും ഒരു ദിവസം പോലും സഭാ നടപടികൾ മുറയ്ക്ക് നടന്നിട്ടില്ല. അതേസമയം തുടർച്ചയായ പാർലമെന്റ് സ്തംഭനത്തിൽ കോൺഗ്രസിനെതിരെ ഇൻഡ്യ സഖ്യകക്ഷികൾ തന്നെ നേരത്തെ രംഗത്തെത്തിയിരുന്നു. ഇടതുപാർട്ടികളും, തൃണമൂൽ കോൺഗ്രസും, എൻസിപി ശരദ് പവാർ വിഭാഗവുമാണ് രംഗത്തെത്തിയത്. തുടർച്ചയായ പാർലമെന്റ് സ്തംഭനങ്ങൾ കേന്ദ്രസർക്കാരിനെ സങ്കീർണമായ പല വിഷയങ്ങളിൽ നിന്നും ഒളിച്ചോടാൻ സഹായിക്കുമെന്നാണ് ഇടതുപാർട്ടികളുടെ നിലപാട്. അതുകൊണ്ട് ഈ രീതി മാറ്റണമെന്നും മറ്റ് വഴികൾ തേടണമെന്നും കോൺഗ്രസിനോട് ഇടതുപാർട്ടികൾ ആവശ്യപ്പട്ടിരുന്നു. ഏ​തെ​ങ്കി​ലും​ ​വി​ഷ​യ​ത്തി​ൽ​ ​സ​ഭ​ ​ത​ട​സ്സ​പ്പെ​ടു​ത്തു​ന്ന​തി​ന്​ ​പ​ക​രം​ ​ജ​ന​ങ്ങ​ളെ​ ​ബാ​ധി​ക്കു​ന്ന​ ​യ​ഥാ​ർ​ത്ഥ​ ​പ്ര​ശ്‌​ന​ങ്ങ​ൾ​ ​അ​ഭി​സം​ബോ​ധ​ന​ ​ചെയ്യുകയാണ് വേണ്ടതെന്നായിരുന്നു ​തൃ​ണ​മൂ​ൽ​ ​കോ​ൺ​ഗ്ര​സ് നിലപാട്. ജനങ്ങളെ ബാധിക്കുന്ന അടിസ്ഥാന വിഷയങ്ങൾ ഉന്നയിക്കാനായി ഇൻഡ്യ മുന്നണിയ്ക്ക് സാധിക്കുന്നില്ലെന്ന പരാതി എൻസിപിയും ഉന്നയിച്ചിരുന്നു.

Content Highlights: Parliament adjourned after ruckus on Adani Issue

National

National

ഫെയ്ഞ്ചൽ ഭീഷണി ഒഴിഞ്ഞു, പക്ഷെ മഴയ്ക്ക് ശമനമില്ല; തമിഴ്‌നാട്ടിൽ രണ്ട് ജില്ലകളിൽ റെഡ് അലേർട്ട്

National

വാതിലുകളും സണ്‍ റൂഫും തുറന്നിട്ട് സാഹസിക യാത്ര; യുവാക്കള്‍ അറസ്റ്റില്‍

National

സംഭൽ സംഘർഷം: സ്ഥലം സന്ദർശിക്കാനെത്തിയവരെ തടഞ്ഞ് യു പി പൊലീസ്; നേതാക്കൾ വീട്ടുതടങ്കലിലെന്ന് കോൺഗ്രസ്

National

'ദുരഭിമാന കൊല'; തെലങ്കാനയിൽ വനിതാ കോണ്‍സ്റ്റബിളിനെ കൊലപ്പെടുത്തി സഹോദരന്‍