ഉത്തരേന്ത്യയിൽ അതിശൈത്യം, ശക്തമായ മൂടൽമഞ്ഞ്; വിമാനങ്ങൾ വൈകുന്നു, ജനജീവിതം ദുസ്സഹം

ന്യൂഡൽഹി: ഉത്തരേന്ത്യയിൽ അതിശൈത്യം തുടരുന്നു. ശക്തമായ മൂടൽമഞ്ഞ് റോഡ്, റെയിൽ, വ്യോമഗതാഗതങ്ങളെ ഇന്നും ബാധിച്ചു.
ഡൽഹിയിൽ നിന്നുള്ള നിരവധി വിമാനങ്ങൾ വൈകി. നിരവധി ട്രെയിനുകളും വൈകിയാണ് ഓടുന്നത്. ഉച്ചയ്ക്ക് ശേഷം കാറ്റിൻ്റെ വേഗത തെക്ക് കിഴക്ക് നിന്ന് മണിക്കൂറിൽ 8-10 കിലോമീറ്റർ വരെ ഉയരുമെന്ന് പ്രതീക്ഷിക്കുന്നതായി കേന്ദ്രകാലാവസ്ഥാ വകുപ്പ് പറഞ്ഞു.

'മിക്ക സ്ഥലങ്ങളിലും പുകമഞ്ഞ്/മിതമായ മൂടൽമഞ്ഞ്, ചില സ്ഥലങ്ങളിൽ ഇടതൂർന്ന മൂടൽമഞ്ഞ് എന്നിവ രാവിലെ ഉണ്ടാകാൻ സാധ്യതയുണ്ട്. ഭാഗികമായി മേഘാവൃതമായ ആകാശമാണ്. വൈകുന്നേരം/രാത്രി സമയങ്ങളിൽ പുകമഞ്ഞ്/ മൂടൽമഞ്ഞ് ഉണ്ടാകാൻ സാധ്യതയുണ്ട്. കൂടിയ താപനിലയും കുറഞ്ഞ താപനിലയും യഥാക്രമം 18, 10 ഡിഗ്രി സെൽഷ്യസ് ആയിരിക്കും', കേന്ദ്രകാലാവസ്ഥാ വകുപ്പ് വ്യക്തമാക്കി. ജനുവരി 10ന് പ്രദേശത്ത് നേരിയ മഴ ലഭിക്കുമെന്നും കാലാവസ്ഥാ വകുപ്പ് അറിയിച്ചു.

ജനുവരി 6 വരെ ജമ്മു & കശ്മീർ, ലഡാക്ക്, ഗിൽജിത്-ബാൾട്ടിസ്ഥാൻ, മുസാഫറാബാദ്, ഹിമാചൽ പ്രദേശ് എന്നിവിടങ്ങളിൽ നേരിയതോ മിതമായതോ ആയ മഴ ലഭിക്കും. ജമ്മു & കശ്മീർ, ലഡാക്ക്, ഗിൽജിത് എന്നിവിടങ്ങളിൽ ഒറ്റപ്പെട്ട കനത്ത മഴയ്ക്കും മഞ്ഞുവീഴ്ചയ്ക്കും സാധ്യതയുണ്ട്. ജനുവരി 5-ന് ബാൾട്ടിസ്ഥാൻ, ജനുവരി 5, 6 തീയതികളിൽ ഹിമാചൽ പ്രദേശ് ജനുവരി 5, 6 തീയതികളിൽ പഞ്ചാബ്, ഹരിയാന, ചണ്ഡീഗഢ് ജനുവരി 6 ന് വടക്കുപടിഞ്ഞാറൻ ഉത്തർപ്രദേശ് എന്നിവിടങ്ങളിൽ ഇടിമിന്നലോടുകൂടിയ ഒറ്റപ്പെട്ട മഴയും പ്രതീക്ഷിക്കുന്നു. ജനുവരി 6 ന് ഉത്തരാഖണ്ഡിൽ മഴയ്ക്കും മഞ്ഞുവീഴ്ചയ്ക്കും സാധ്യതയുണ്ട്. ജനുവരി 7, 8 തീയതികളിൽ പല വടക്കുകിഴക്കൻ സംസ്ഥാനങ്ങളിലും നേരിയതോ മിതമായതോ ആയ മഴയും പ്രതീക്ഷിക്കുന്നു.

Content Highlights: Delhi freezes under cold wave

National

National

തമിഴ്നാട്ടിൽ സിപിഐഎമ്മിന് പുതിയ സെക്രട്ടറി, വാച്ചാത്തിയിലെ ക്രൂരത പുറംലോകത്തോട് വിളിച്ചു പറഞ്ഞ പി ഷൺമുഖം

National

വിനോദയാത്രക്കായി ബാഗുകൾ വരെ പാക്ക് ചെയ്തു, പിന്നാലെ മകൾക്ക് വിഷം നൽകി കൊലപെടുത്തിയ ശേഷം കുടുംബം ജീവനൊടുക്കി

National

മൃതദേഹം പോസ്റ്റ്മോർട്ടത്തിനെത്തിച്ചത് കാലിൽ പിടിച്ച് വലിച്ചിഴച്ച്; ചർച്ചയായി ഉത്തർപ്രദേശിലെ ദൃശ്യങ്ങൾ

National

'ഗെയിം ചേഞ്ചർ' ഇവന്റിന് എത്തിയവർ നേരിട്ട വാഹനാപകടം; മരിച്ചവരുടെ കുടുംബങ്ങൾക്ക് ധനസഹായവുമായി അണിയറപ്രവർത്തകർ