Get the latest news at
your fingertips!
Download our app now
LIVE TV
Search
റെഡ്മിയുടെ ഏറ്റവും പുതിയ നോട്ട് 14 സീരീസ് ഇന്ത്യയില്‍ ലോഞ്ച് ചെയ്തു. മികച്ച ക്യാമറയും AI സവിശേഷതകളും ഉള്ള റെഡ്മി നോട്ട് 14 പ്രോ 5 ജി, റെഡ്മി നോട്ട് 14 പ്രോ, റെഡ്മി നോട്ട് 14 എന്നീ മൂന്ന് സ്മാര്‍ട്ട്‌ഫോണ്‍ മോഡലുകളാണ് ഷവോമി ഇന്ത്യയില്‍ അവതരിപ്പിച്ചിരിക്കുന്നത്. റെഡ്മി നോട്ട് 14 5ജിയാണ് ഇതില്‍ ഏറ്റവും കുറഞ്ഞ വിലയില്‍ ലഭിക്കുന്നത്. ഇതിന്റെ 6GB+ 128GB അടിസ്ഥാന മോഡല്‍ 18,999 രൂപ പ്രാരംഭ വിലയില്‍ എത്തുന്നു. അതേപോലെ നോട്ട് 14 പ്രോ 24,999 രൂപ അടിസ്ഥാന വിലയിലും നോട്ട് 14 പ്രോ പ്ലസ് മോഡല്‍ 30,999 രൂപ അടിസ്ഥാന വിലയിലുമാണ് എത്തിയിരിക്കുന്നത്.
റെഡ്മി നോട്ട് 14 Pro+ 5G 8GB+128GB പതിപ്പിന് 29,999 രൂപയ്ക്കും 8GB+256GB വേരിയന്റിന് 31,999 രൂപയ്ക്കും 12GB+512GB ഓപ്ഷന് 34,999 രൂപയ്ക്കും ഓഫറുകള്‍ ഉള്‍പ്പെടെ ലഭ്യമാകും. റെഡ്മി നോട്ട് 14 Pro 5G 8GB+128GB പതിപ്പ് 23,999 രൂപയ്ക്കും 8GB+256GB ഓപ്ഷന് 25,999 രൂപയ്ക്കും ഓഫറുകള്‍ ഉള്‍പ്പെടെ ലഭ്യമാകും. റെഡ്മി നോട്ട് 14 5G 6GB+128GB വേരിയന്റ് 17,999 രൂപയ്ക്കും 8GB+128GB പതിപ്പ് 18,999 രൂപയ്ക്കും 8GB+256GB ഓപ്ഷന് 20,999 രൂപയ്ക്കും ഓഫറുകള്‍ ഉള്‍പ്പെടെ ലഭ്യമാകും. Redmi Note 14 5G സീരീസ് Mi.com, Amazon.in, Xiaomi റീട്ടെയില്‍ സ്റ്റോറുകളിലും 2024 ഡിസംബര്‍ 13 മുതല്‍ ലഭ്യമാകും.
റെഡ്മി നോട്ട് 14 5ജിയുടെ പ്രധാന ഫീച്ചറുകള്‍: ഒക്ട കോര്‍ (2 x 2.5GHz Cortex-A78 + 6 x 2GHz Cortex-A55 CPU-കള്‍) മീഡിയടെക് ഡൈമെന്‍സിറ്റി 7025 അള്‍ട്രാ 6nm പ്രൊസസര്‍ ആണ് ഈ ഫോണിന്റെ കരുത്ത്. ആഗോളതലത്തില്‍ ഈ ചിപ്‌സെറ്റ് അവതരിപ്പിക്കുന്ന ആദ്യ സ്മാര്‍ട്ട്‌ഫോണാണ് ഇത്. നോട്ട് 14 5ജിയില്‍ 6.67-ഇഞ്ച് FHD+ (1080×2400 പിക്‌സലുകള്‍) 60/90/120Hz റിഫ്രഷ് റേറ്റ് ഉള്ള സൂപ്പര്‍ AMOLED ഡിസ്‌പ്ലേ, 2100 nits വരെ പീക്ക് ബ്രൈറ്റ്‌നസ്, 1920Hz ഹൈ-ഫ്രീക്വന്‍സി PWM ഡിമ്മിംഗ്, 10-ബിറ്റ് കളര്‍ ഡെപ്ത്, കോര്‍ണിംഗ് ഗൊറില്ല ഗ്ലാസ് പ്രൊട്ടക്ഷന്‍ എന്നിവ ഉണ്ട്. IMG BXM-8-256 ജിപിയു, 6GB / 8GB LPDDR4X റാം, 8GB വരെ വെര്‍ച്വല്‍ റാം, 128GB / 256GB UFS 2.2 ഇന്റേണല്‍ സ്റ്റോറേജ്, മൈക്രോ എസ്ഡി ഉപയോഗിച്ച് സ്റ്റോറേജ് വര്‍ധിപ്പിക്കാനുള്ള സൗകര്യം എന്നിവയും ഇതിലുണ്ട്. ആന്‍ഡ്രോയിഡ് 14 അടിസ്ഥാനമാക്കിയുള്ള ഷവോമി ഹൈപ്പര്‍ ഒഎസില്‍ ആണ് പ്രവര്‍ത്തനം. 2 ആന്‍ഡ്രോയിഡ് ഒഎസ് അപ്ഡേറ്റുകളും 4 വര്‍ഷത്തെ സുരക്ഷാ അപ്ഡേറ്റുകളും ഇതിന് ലഭിക്കും.
Content Highlights: Redmi Note 14 Pro, Redmi Note 14 Pro+ launched in India: Price, specs and all you need to know
