Get the latest news at
your fingertips!
Download our app now
LIVE TV
Search
മറ്റൊരു ടെക് കമ്പനിക്കും ഇല്ലാത്ത തരത്തിൽ ആപ്പിളിനും ആപ്പിൾ പ്രോഡക്റ്റുകൾക്കും കടുത്ത ആരാധകരുണ്ട്. ആപ്പിളിന്റെ ഓരോ പ്രോഡക്റ്റിന്റെയും വരവ് അറിയിച്ചുകൊണ്ടുള്ള വാർത്തകൾ ആരാധകർ ഏറ്റെടുക്കാറുണ്ട്. ആപ്പിൾ പ്രേമികൾക്ക് ഒന്നടങ്കം സന്തോഷിക്കാനുള്ള വാർത്തയാണ് ഇപ്പോൾ ടെക് ലോകത്ത് നിന്നും വരുന്നത്.
2025 ൽ ആപ്പിളിന്റെ പതിനഞ്ച് പ്രോഡക്റ്റുകൾ പുതുതായി ലോഞ്ച് ചെയ്ത് വിപണിയിലെത്തുമെന്നാണ് പ്രമുഖ ടെക് വിദഗ്ധർ പറയുന്നത്. ആപ്പിൾ ഈ വർഷം ലോഞ്ച് ചെയ്യാൻ സാധ്യതയുള്ള പ്രൊഡക്റ്റുകളിൽ ഐപാഡ് 11 മുതൽ പുതിയ മാക് എയറും ഐഫോൺ 17 പ്രോയും ഉൾപ്പെടുന്നുണ്ട്.
വിപണിയിൽ എത്തുന്ന പുതിയ പ്രോഡക്റ്റുകളിൽ ചിലത് ഏതൊക്കെയാണെന്ന് നോക്കാം.
ഐപാഡ് 11: 2024 ൽ പ്രതീക്ഷകളോടെ കാത്തിരുന്നെങ്കിലും ഐപാഡ് 11 ന്റെ ലോഞ്ച് ഉണ്ടായിരുന്നില്ല. എന്നാൽ ആപ്പിൾ എഐ ഫീച്ചറുകളുമായി ഐപാഡ് 11 ഈ വർഷം പുറത്തിറങ്ങും.
ഐപാഡ് എയർ M4: നിലവിൽ M2 ചിപുമായി എത്തുന്ന ഐപാഡ് എയർ അപ്ഗ്രേഡ് ചെയ്ത M4 ചിപ്പിൽ എത്തുന്ന ഐപാഡ് എയറും ഈ വർഷം എത്തും. M3 തലമുറയിൽ ഇനി മുതൽ ഐപാഡ് എയർ ഉണ്ടാവില്ലെന്നാണ് ടെക് വിദഗ്ധർ ചൂണ്ടിക്കാച്ചുന്നത്.
iPhone SE 4 (അല്ലെങ്കിൽ iPhone 16e): ബ്ലൂംബെർഗിന്റെ റിപ്പോർട്ടുകളുടെ അടിസ്ഥാനത്തിൽ, ആപ്പിൾ ഈ വർഷം മാർച്ചിലോ ഏപ്രിലിലോ ആയിരിക്കും ബഡ്ജറ്റ് ഫ്രണ്ട്‌ലിയായിട്ടുള്ള iPhone SE 4 പുറത്തിറക്കുക.
മാക്ബുക്ക് എയർ M4: കഴിഞ്ഞ വർഷമായിരുന്നു ആപ്പിൾ മാക്ബുക്ക് പ്രോ M4 ചിപ്പിലേക്ക് അപ്ഗ്രേഡ് ചെയ്തത്. ഇപ്പോൾ മാക്ബുക്ക് എയറും M4 ചിപ്പിലേക്ക് അപ്ഗ്രേഡ് ചെയ്യാൻ ഒരുങ്ങുകയാണ് കമ്പനി.
എയർടാഗ് 2: 2025-ൽ ആപ്പിളും അടുത്ത തലമുറ എയർടാഗുകൾ അവതരിപ്പിക്കുമെന്നാണ് റിപ്പോർട്ടുകൾ.
മാക്സ്റ്റുഡിയോ M4: നിലവിൽ മാക്സ്റ്റുഡിയോയിൽ മാത്രം ആപ്പിൾ M4 ചിപ്പ് നൽകിയിട്ടില്ല. ഈ വർഷം ആപ്പിൾ മാക് സ്റ്റുഡിയോയിൽ M4 ചിപ്പുകൾ നൽകും.
പുതിയ സ്മാർട്ട് ഡിസ്‌പ്ലേ: ബ്ലൂംബെർഗിന്റെ റിപ്പോർട്ട് പ്രകാരം. ആപ്പിൾ പുതിയ ഹോം ഡിസ്‌പ്ലേ അവതരിപ്പിക്കും. വിവിധ ഉപകരണങ്ങൾ നിയന്ത്രിക്കുന്നതിനും ആപ്പിൾ ഹോംകിറ്റുമായി ബന്ധപ്പെടുത്തുന്നത് ഈ ഡിസ്‌പ്ലെ ആയിരിക്കും.
ആപ്പിൾ വാച്ച് അൾട്ര 3: കഴിഞ്ഞ വർഷം ഇറക്കിയ ആപ്പിൾ വാച്ച് അൾട്ര 2 ന് പകരമായി ഈ വർഷം ആപ്പിൾ വാച്ച് അൾട്ര കമ്പനി അൾട്ര 3 ഇറക്കും.
ഐഫോൺ 17, ഐഫോൺ 17 എയർ: ആപ്പിളിന്റെ എൻട്രി ലെവൽ ഐഫോൺ 17 ഫോണുകളും ഈ വർഷം പുറത്തിറങ്ങും. ആപ്പിൾ എ19 ചിപ്പ് ആയിരിക്കും ഈ ഫോണുകളിൽ ഉപയോഗിക്കുകയെന്നാണ് പുറത്തുവരുന്ന റിപ്പോർട്ട്. മിംഗ്-ചി കുവോ, ജെഫ് പു തുടങ്ങിയ അനലിസ്റ്റുകളാണ് ഇതുസംബന്ധിച്ച് റിപ്പോർട്ട് പുറത്തുവിട്ടത്.
മാക്ബുക്ക് പ്രോ: M 5 ചിപ്പ്‌സെറ്റ് ഉപയോഗിക്കുന്ന ആദ്യത്തെ മാക്ബുക്ക് പ്രോയും ഈ വർഷം എത്തിയേക്കും. ആപ്പിൾ വാച്ച് എസ്ഇ 3, ആപ്പിൾ വാച്ച് 11:, iPad Pro M5 എന്നിവയും ഈ വർഷം തന്നെ പുറത്തിറങ്ങാൻ ഇരിക്കുന്ന ആപ്പിൾ പ്രോഡക്റ്റുകളാണ്.
Content Highlights: Apple will launch fifteen new products in 2025 Reports
