Get the latest news at
your fingertips!
Download our app now
LIVE TV
Search
പോക്കോയുടെ എഫ്7 സീരീസ് ഉടന്‍ പുറത്തിറങ്ങുമെന്ന് റിപ്പോര്‍ട്ട്. എഫ്7 സീരീസിന്റെ ആഗോള ലോഞ്ച് മാര്‍ച്ച് 27ന് നടത്താനാണ് കമ്പനി ആലോചിക്കുന്നത്. എഫ്7 സീരീസില്‍ എഫ് 7 പ്രോ, എഫ്7 അള്‍ട്രാ വേരിയന്റുകള്‍ അവതരിപ്പിക്കാനാണ് കമ്പനി പദ്ധതിയിടുന്നതെന്നാണ് റിപ്പോര്‍ട്ട്. ഇന്ത്യയില്‍ എന്ന് ഈ സീരീസ് അവതരിപ്പിക്കും എന്നതിനെ സംബന്ധിച്ച് വ്യക്തത വന്നിട്ടില്ല.
12GB LPDDR5X റാം, ആന്‍ഡ്രോയിഡ് 15 അടിസ്ഥാനമാക്കിയുള്ള ഹൈപ്പര്‍ ഒഎസ് 2.0, എന്‍എഫ്‌സി കണക്റ്റിവിറ്റി ഫോണിനുണ്ടാകും. സ്‌നാപ്ഡ്രാഗണ്‍ 8 ജെന്‍ 3 SoC ചിപ്പ്‌സെറ്റോടു കൂടിയായിരിക്കാം പോക്കോ എഫ്7 പ്രോ വിപണിയില്‍ എത്തുക. 120Hz റിഫ്രഷ് റേറ്റും 50 മെഗാപിക്‌സല്‍ ഡ്യുവല്‍ റിയര്‍ കാമറ യൂണിറ്റും ഉള്ള 6.67 ഇഞ്ച് QHD+ (1,440 x 3,200 പിക്‌സലുകള്‍) OLED ഡിസ്‌പ്ലേ ഈ ഹാന്‍ഡ്സെറ്റില്‍ ഉണ്ടായേക്കും.
90W വയര്‍ഡ് ഫാസ്റ്റ് ചാര്‍ജിംഗ് പിന്തുണയുള്ള 5,830mAh ബാറ്ററി ആയിരിക്കും ഇതിന് കരുത്തുപകരുക.16 ജിബി റാമിനുള്ള പിന്തുണയുള്ള സ്‌നാപ്ഡ്രാഗണ്‍ 8 എലൈറ്റ് SoC ചിപ്പ്‌സെറ്റ് എഫ് 7 അള്‍ട്രാ വാഗ്ദാനം ചെയ്യുമെന്നാണ് കരുതുന്നത്. ഹൈപ്പര്‍ഒഎസ് 2.0 സ്‌കിന്‍ ഉള്ള ആന്‍ഡ്രോയിഡ് 15 നൊപ്പം ഫോണ്‍ ലഭ്യമാകും.
ടെലിഫോട്ടോ ഷൂട്ടര്‍ ഉള്‍പ്പെടെ 50 മെഗാപിക്‌സല്‍ ട്രിപ്പിള്‍ റിയര്‍ കാമറ യൂണിറ്റ് ഈ ഹാന്‍ഡ്സെറ്റില്‍ ഉണ്ടായിരിക്കാം. 120W വയര്‍ഡ്, 50W വയര്‍ലെസ് ചാര്‍ജിംഗ് പിന്തുണയുള്ള 6,000mAh ബാറ്ററിയും ഫോണിനുണ്ടാകുമെന്നുമാണ് പ്രതീക്ഷ.
Content Highlights: poco f7 series is expected to be unveiled in select global markets soon
