LIVE TV
തൃശ്ശൂർ: തൃശ്ശൂർ കട്ടിലപൂവ്വം മേഖലയിൽ ഇന്നലെ അർദ്ധരാത്രിയോടെ കാട്ടാന ഇറങ്ങി വീടിന്റെ ഗേറ്റ് ഇടിച്ചു തകർത്തു. ഇന്നലെ രാത്രി 11.30 ഓടെ വാരികുളം ഭാഗത്ത് നിന്ന് ഇറങ്ങി വന്ന കാട്ടാന പുലർച്ചെ മൂന്ന് മണിയോടെയാണ് പോസ്റ്റ് ഓഫീസിനോട് ചേർന്നുള്ള തൈക്കാട്ടുമുളയിൽ രാ‍ജുവിൻ്റെ വീടിന് മുന്നിലെ ഗേറ്റ് ഇടിച്ചു തകർത്തത്. സിസിടിവി ദൃശ്യങ്ങൾ പരിശോധിച്ചപ്പോഴാണ് കാട്ടാന ഇറങ്ങിയ വിവരം നാട്ടുകാർ അറിയുന്നത്.
ഇതിന് മുൻപും ഈ മേഖലയിൽ കാട്ടാന ഇറങ്ങി നിരവധി കൃഷിനാശം ഉണ്ടാക്കിയിരുന്നു. കാട്ടാന പ്രദേശം വിട്ട് പോയിട്ടില്ലെന്നും ആ വഴി പോകുന്നവർ ജാഗ്രത പാലിക്കണമെന്നും നിര്‍ദേശമുണ്ട് . പ്രദേശത്ത് കാട്ടാന ശല്യം രൂക്ഷമാണെന്ന് നാട്ടുകാര്‍ പറയുന്നു.
Content Highlights: Elephant came in to Kattilapuvvam area of Thrissur last night and broke the gate of a house
