Get the latest news at
your fingertips!
Download our app now
LIVE TV
Search
യുകെയിലെ (യുണൈറ്റഡ് കിംങ്ഡം) വെയിൽസ് എന്‍എച്ച്എസ്സില്‍ ഇന്റർനാഷണൽ സീനിയർ പോർട്ട്ഫോളിയോ പാത്ത്-വേ ഡോക്ടർ-സൈക്യാട്രിസ്റ്റ് ഒഴിവുകളിലേയ്ക്ക് നോര്‍ക്ക റൂട്ട്സ് വഴി അപേക്ഷിക്കാം. ഓൾഡർ അഡൾട്ട്, അഡൾട്ട് മെന്റൽ ഹെൽത്ത് എന്നീ സ്പെഷ്യാലിറ്റികളിലാണ് ഡോക്ടര്‍മാര്‍ക്ക് അവസരം.
തെലങ്കാനയിലെ ഹൈദരാബാദില്‍ ചേരുന്ന ഇന്ത്യൻ സൈക്യാട്രിക് സൊസൈറ്റിയുടെ വാർഷിക ദേശീയ സമ്മേളനത്തോട് (ANCIPS 2025) അനുബന്ധിച്ച് ജനുവരി 24 മുതല്‍ 26 വരെ തീയതികളിലാണ് അഭിമുഖം നടത്തുക. മെഡിക്കല്‍ പഠനത്തിന് ശേഷം സൈക്യാട്രി സ്പെഷ്യാലിറ്റിയിലും കുറഞ്ഞത് 12 വര്‍ഷത്തെയോ അല്ലെങ്കിൽ ആറ് വര്‍ഷത്തെയോ പ്രവൃത്തിപരിചയമുളവര്‍ക്ക് അപേക്ഷിക്കാവുന്നതാണ്. താല്‍പര്യമുളളവര്‍ www.nifl.norkaroots.org എന്ന വെബ് സൈറ്റ് സന്ദര്‍ശിച്ച് 2025 ജനുവരി ഇരുപതിനകം അപേക്ഷ നല്‍കേണ്ടതാണ്.
വെയില്‍സിലെ മാനസികാരോഗ്യ വിഭാഗത്തില്‍ മൂന്ന് വര്‍ഷം വരെ നീളുന്ന സ്ഥിരനിയമനത്തിനാണ് ഡോക്ടര്‍മാര്‍ക്ക് അവസരം. പ്രവൃത്തിപരിചയമനുസരിച്ച് 96,990 പൗണ്ട്‌ മുതൽ 107,155 പൗണ്ട്‌ വരെ വാര്‍ഷിക ശമ്പളവും മറ്റ് ആനുകൂല്യങ്ങളും ലഭിക്കും. ശമ്പളത്തിനു പുറമേ 650 പൗണ്ട്‌ ഗ്രാറ്റുവിറ്റി പേയ്‌മെൻ്റ്, യുകെയിലേക്കുള്ള ഇക്കോണമി ക്ലാസ് വിമാന ടിക്കറ്റ്, ഒരു മാസത്തെ താമസസൗകര്യം (യുകെ) എന്നീ ആനുകൂല്യങ്ങള്‍ക്കും തിരഞ്ഞെടുക്കപ്പെടുന്നവര്‍ക്ക് അര്‍ഹതയുണ്ടാകും.
വിശദവിവരങ്ങള്‍ക്ക് 0471-2770536, 539, 540, 577 എന്നീ നമ്പറുകളിലോ 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്ഡ്‌ കോള്‍ സര്‍വീസ്) ബന്ധപ്പെടാവുന്നതാണ്.
Content Highlight: Vacancies for Senior Psychiatrist Doctors in UK Wales; Interview in January
