Get the latest news at
your fingertips!
Download our app now
LIVE TV
Search
റിപ്പോര്‍ട്ടര്‍ യങ് ജീനിയസ് അവാര്‍ഡിന്റെ രണ്ടാംഘട്ട പരീക്ഷ മാര്‍ച്ച് 27ന്. രാവിലെ 11 മണി മുതല്‍ 12 മണിവരെ ഓണ്‍ലൈനായി നടത്തും. 50 ശതമാനത്തിലധികം മാര്‍ക്ക് ലഭിച്ചവരാണ് യങ് ജീനിയസ് അവാര്‍ഡിന്റെ രണ്ടാം ഘട്ട പരീക്ഷയില്‍ യോഗ്യത നേടിയത്. 60 മിനിറ്റില്‍ 60 ചോദ്യങ്ങളായിരിക്കും ഉണ്ടാകുക. നെഗറ്റീവ് മാര്‍ക്കും ഉണ്ടായിരിക്കും. ക്യാമറ മോണിറ്ററിംഗ് അടക്കമുള്ള കര്‍ശന നിരീക്ഷണങ്ങളോടെയായിരിക്കും പരീക്ഷ നടക്കുക. രണ്ടാംഘട്ടത്തിലും സ്റ്റേറ്റ് സിബിഎസ്ഇ വിദ്യാര്‍ത്ഥികള്‍ക്ക് പ്രത്യേകം പരീക്ഷയായിരിക്കും നടത്തുന്നത്.
വിജയികളെ കാത്തിരിക്കുന്നത് വമ്പന്‍ സമ്മാനങ്ങളാണ്. റിപ്പോര്‍ട്ടര്‍ യങ് ജീനിയസ് പരീക്ഷയില്‍ വിജയികളാകുന്ന സ്റ്റേറ്റ്, സിബിഎസ്ഇ വിഭാഗങ്ങള്‍ക്ക് പ്രത്യേക പുരസ്‌കാരമുണ്ട്. ഒന്നാം സ്ഥാനം നേടുന്നവര്‍ക്ക് 2 ലക്ഷം രൂപയുടെ സ്‌കോളര്‍ഷിപ്പും പ്രശസ്തിപത്രവുമാണ് സമ്മാനം. രണ്ടാം സമ്മാനം 5 പേര്‍ക്ക് 50,000 രൂപയും പ്രശസ്തിപത്രവും, മൂന്നാം സമ്മാനം പത്ത് പേര്‍ക്ക് 25,000 രൂപയും പ്രശസ്തിപത്രവും നാലാം സമ്മാനം പത്ത് പേര്‍ക്ക് സ്മാര്‍ട്ട് ഫോണുകളുമാണ്.
14 ജില്ലകളിലും മുന്നിലെത്തുന്ന 100 കുട്ടികള്‍ക്ക് 1,000 രൂപ വീതം പ്രോത്സാഹന സമ്മാനവും നല്‍കുന്നുണ്ട്. മാത്രമല്ല, ഏറ്റവും കൂടുതല്‍ വിദ്യാര്‍ത്ഥികള്‍ പങ്കെടുക്കുന്ന സ്‌കൂളിന് പ്രത്യേക പുരസ്‌കാരവുമുണ്ട്. രണ്ടാംഘട്ട പരീക്ഷയില്‍ യോഗ്യത നേടുന്നവരില്‍ അഭിമുഖത്തിലൂടെയായിരിക്കും വിജയികളെ കണ്ടെത്തുന്നത്. റിപ്പോര്‍ട്ടര്‍ ഹെഡ് ഓഫീസില്‍ വച്ച് നടത്തുന്ന ലൈവ് ഇവന്റിലായിരിക്കും പുരസ്‌കാരങ്ങള്‍ വിതരണം ചെയ്യുന്നത്.
Content Highlights: Reporter Young Genius award second term exam in online
