Get the latest news at
your fingertips!
Download our app now
LIVE TV
Search
ശിവകാർത്തികേയൻ നായകനായി തിയേറ്ററിൽ വിജയകരമായി പ്രദർശനം തുടരുന്ന ചിത്രമാണ് അമരൻ. മികച്ച പ്രതികരണമാണ് പ്രേക്ഷകരുടെ ഭാഗത്തു നിന്നും മറ്റു താരങ്ങളുടെ ഭാഗത്ത് നിന്നും ചിത്രത്തിന് ലഭിക്കുന്നത്. ഇപ്പോഴിതാ അമരൻ നിർമിച്ചതിന് കമൽ ഹാസനെ അഭിനന്ദിച്ചിരിക്കുകയാണ് സ്റ്റൈൽ മന്നൻ രജനികാന്ത്. രാജ് കമൽ ഫിലിംസ് ആണ് ഇക്കാര്യം സോഷ്യൽ മീഡിയ പോസ്റ്റിലൂടെ അറിയിച്ചിരിക്കുന്നത്.
'ശിവ കാർത്തികേയൻ നായകനായി രാജ്‌കുമാർ പെരിയസാമി സംവിധാനത്തിൽ കമൽ ഹാസൻ നിർമിച്ച അമരൻ സൂപ്പർ സ്റ്റാർ രജനികാന്ത് കാണുകയും ആസ്വദിക്കുകയും ഉണ്ടായി. ചിത്രം നിർമിച്ചതിന് തന്റെ സുഹൃത്തായ കമൽ ഹാസനെ രജനികാന്ത് വിളിക്കുകയും അഭിനന്ദിക്കുകയും ചെയ്തു. കൂടാതെ ചിത്രത്തിലെ മറ്റഭിനേതാക്കളുടെ പ്രകടനവും വളരെ ഏറെ അദ്ദേഹത്തിന് ഇഷ്ടമായി' എന്നാണ് രാജ് കമൽ ഫിലിംസ് പോസ്റ്റ് പങ്കുവെച്ചിരിക്കുന്നത്. ഇതിനൊപ്പം രജനികാന്തിനൊപ്പമുള്ള ചിത്രങ്ങളും വീഡിയോയും അണിയറപ്രവർത്തകർ പങ്കുവെച്ചിട്ടുണ്ട്.
#Superstar @rajinikanth தனது நண்பர் கமல்ஹாசன் தயாரிப்பில் சிவகார்த்திகேயன் நடிப்பில் ராஜ்குமார் பெரியசாமி இயக்கத்தில் வெளியான ‘அமரன்’ படத்தைப் பார்த்து மகிழ்ந்தார்.
— Raaj Kamal Films International (@RKFI) November 2, 2024
நேற்று தனது நண்பர் கமல்ஹாசன் அவர்களை தொலைபேசியில் அழைத்த சூப்பர் ஸ்டார் இந்தப் படத்தைத் தயாரித்ததற்காக மனமார்ந்த… pic.twitter.com/bPurzyxDxj
അതേസമയം, തിയേറ്ററിലെത്തി ആദ്യ ദിനം തന്നെ ആഗോളതലത്തിൽ 42 കോടിയിലധികമാണ് ചിത്രം സ്വന്തമാക്കിയിരിക്കുന്നത്. 17 കോടി രൂപയാണ് തമിഴ് നാട്ടിൽ നിന്നുമുള്ള ചിത്രത്തിന്റെ ആദ്യ ദിന കളക്ഷൻ. ബോക്സ് ഓഫീസിൽ മികച്ച തുടക്കം കുറിച്ചതിനാൽ തന്നെ ആദ്യ വാരം പുതിയ റെക്കോർഡുകൾ ചിത്രം സ്വന്തമാക്കുമെന്നാണ് അനലിസ്റ്റുകളുടെ അഭിപ്രായം.
മേജർ മുകുന്ദ് വരദരാജന്റെ ജീവിതകഥ പറയുന്ന ചിത്രത്തിൽ ശിവകാർത്തികേയനാണ് മുകുന്ദായി എത്തുന്നത്. മുകുന്ദിന്റെ ഭാര്യ ഇന്ദു റെബേക്ക വർഗീസ് ആയി സായ് പല്ലവി അഭിനയിക്കുന്നു. ചിത്രത്തിന് ജി വി പ്രകാശ് കുമാറാണ് സംഗീതമൊരുക്കിയിരിക്കുന്നത്.
Content Highlights: Rajinikanth congratulated Kamal Haasan for making Amaran
