Get the latest news at
your fingertips!
Download our app now
LIVE TV
Search
മലയാളികൾക്ക് പ്രിയങ്കരനായ നടൻ കുഞ്ചാക്കോ ബോബൻ ഇന്ന് 48-ാം പിറന്നാൾ ആഘോഷിക്കുകയാണ്. സിനിമാ മേഖലയിൽ നിന്നുള്ള നിരവധിപേരാണ് അദ്ദേഹത്തിന് ജന്മദിനാശംസകൾ അറിയിച്ചിരിക്കുന്നത്. നടൻ രമേശ് പിഷാരടി ചാക്കോച്ചന് പിറന്നാൾ ആശംസകൾ അറിയിച്ച് സോഷ്യൽ മീഡിയയിൽ പങ്കുവെച്ച രസകരമായ കുറിപ്പാണ് ഇപ്പോൾ ശ്രദ്ധ നേടുന്നത്.
'കരിയർ കാൽ നൂറ്റാണ്ട് പിന്നിട്ടപ്പോഴും എത്രയോ സൂപ്പർ ഹിറ്റുകളിൽ നായകനായപ്പോഴും സിനിമാക്കാരൻ എന്ന തലക്കെട്ടിനു കീഴെ വരുന്ന ദു:സ്വാതന്ത്ര്യങ്ങളൊന്നിലും കണ്ടിട്ടില്ലാത്ത കലാകാരൻ. മാന്യതയ്ക്കൊക്കെ ഒരു മര്യാദ വേണ്ടേ? ഇന്ന് ചാക്കോച്ചനു പിറന്നാൾ' പിഷാരടി കുറിച്ചത് ഇങ്ങനെ.
വ്യത്യസ്തമായ കഥാപാത്രങ്ങൾ തിരഞ്ഞെടുത്ത് ഇപ്പോൾ മലയാളികളെ ഞെട്ടിച്ചു കൊണ്ടിരിക്കുകയാണ് കുഞ്ചാക്കോ ബോബൻ. അമൽ നീരദ് സംവിധാനം ചെയ്ത ബോഗയ്ൻവില്ലയാണ് ചാക്കോച്ചന്റേതായി അടുത്തിടെ തിയേറ്ററുകളിലെത്തിയ ചിത്രം. മികച്ച പ്രതികരണമാണ് സിനിമയ്ക്ക് ലഭിച്ചിരുന്നത്.
ജിത്തു അശ്റഫ് സംവിധാനത്തിലൊരുങ്ങുന്ന 'ഓഫീസർ ഓൺ ഡ്യൂട്ടി' എന്ന ചിത്രത്തിലാണ് ചാക്കോച്ചൻ ഇപ്പോൾ അഭിനയിച്ചുകൊണ്ടിരിക്കുന്നത്.
Content Highlights: Ramesh Pisharody wishes Kunchacko Boban on his birthday
