Get the latest news at
your fingertips!
Download our app now
LIVE TV
Search
ദേവരയുടെ വിജയത്തിന് ശേഷം തെലുങ്ക് താരം ജൂനിയർ എൻടിആറിന്റെ അടുത്ത സിനിമകളുടെ അപ്ഡേറ്റിനായി സിനിമാലോകം കാത്തിരിക്കുകയാണ്. വാർ 2 , നീൽ-എൻടിആർ തുടങ്ങിയ സിനിമകൾക്ക് പിന്നാലെ നടൻ തമിഴ് സംവിധായകൻ നെൽസൻ ദിലീപ്കുമാറിന് കൈ കൊടുക്കുന്നു എന്ന റിപ്പോർട്ടുകളാണ് വരുന്നത്. നെൽസൻ ചില കഥകൾ എൻടിആറിനോട് പറഞ്ഞതായും അതിൽ ഒരെണ്ണം നടന് ഇഷ്ടമായതായും തെലുങ്ക് മാധ്യമങ്ങൾ റിപ്പോർട്ട് ചെയ്യുന്നു.
തെന്നിന്ത്യൻ സെൻസേഷൻ അനിരുദ്ധ് രവിചന്ദർ ആയിരിക്കും സിനിമയ്ക്ക് സംഗീതം നൽകുക എന്നും റിപ്പോർട്ടുകളുണ്ട്. എൻടിആർ ചിത്രം ദേവരയ്ക്കായി അനി നൽകിയ സംഗീതം വലിയ ഹിറ്റായിരുന്നു. തെലുങ്കിലെ രണ്ട് പ്രമുഖ നിർമാണ കമ്പനികളുടെ പേര് പുതിയ സിനിമയുമായി കേൾക്കുന്നുമുണ്ട്. ഇതിന്റെ ഔദ്യോഗിക പ്രഖ്യാപനം ഉടൻ ഉണ്ടാകുമെന്നാണ് സൂചന.
നേരത്തെ തമിഴ് സംവിധായകൻ വെട്രിമാരനൊപ്പം സിനിമ ചെയ്യണമെന്ന ആഗ്രഹം എൻടിആർ പങ്കുവെച്ചിരുന്നു. നെൽസനൊപ്പം സിനിമ ചെയ്യുന്നു എന്ന വാർത്തകൾക്ക് പിന്നാലെ വെട്രിമാരനൊപ്പം എന്നാണ് ഒന്നിക്കുക എന്ന ചോദ്യം പല ആരാധകരും ഉന്നയിക്കുന്നുണ്ട്.
അതേസമയം നെൽസന്റെ സൂപ്പർഹിറ്റ് ചിത്രം ജയിലറിന്റെ രണ്ടാം ഭാഗവും ഉടൻ ആരംഭിക്കുമെന്ന റിപ്പോർട്ടുകളുണ്ട്. സിനിമയുടെ ചിത്രീകരണം ഉടൻ ആരംഭിക്കുമെന്ന് നെൽസൻ തന്നെയാണ് അടുത്ത് ഒരു അഭിമുഖത്തിൽ പറഞ്ഞത്. രജനികാന്ത് ഇപ്പോൾ അഭിനയിക്കുന്ന കൂലി എന്ന സിനിമയുടെ ഷൂട്ടിങ് കഴിഞ്ഞാൽ ഉടൻ തന്നെ ജയിലർ 2 ആരംഭിക്കുമെന്നാണ് നെൽസൺ ദിലീപ് കുമാർ വെളിപ്പെടുത്തിയത്.
Content Highlights: Reports that Jr NTR to do a movie with Nelson Dilipkumar
