Get the latest news at
your fingertips!
Download our app now
LIVE TV
Search
ചുരുക്കം സിനിമകൾ കൊണ്ട് തന്നെ ഇന്ത്യ മുഴുവൻ ചർച്ച ചെയ്യപ്പെടുന്ന സംവിധായകനാണ് അറ്റ്ലി. ബോളിവുഡ് സൂപ്പർതാരം സൽമാൻ ഖാനൊപ്പം അറ്റ്ലി സിനിമ ചെയ്യുന്നു എന്ന വാർത്തകൾ സമൂഹ മാധ്യമങ്ങളിൽ ഏറെ ശ്രദ്ധ നേടിയിരുന്നു. ഇപ്പോഴിതാ ചിത്രത്തെക്കുറിച്ചുള്ള രസകരമായ ഒരു അപ്ഡേറ്റാണ് ബോളിവുഡ് മാധ്യമങ്ങള്‍ റിപ്പോർട്ട് ചെയ്യുന്നത്.
രണ്ട് വ്യത്യസ്ത കാലഘട്ടങ്ങളെ ബന്ധിപ്പിക്കുന്ന പുനര്‍ജന്മവുമായി ബന്ധപ്പെട്ട ആക്ഷന്‍ ചിത്രമാണ് ഒരുങ്ങുന്നതെന്നാണ് റിപ്പോർട്ടുകൾ. മുമ്പൊരിക്കലും കണ്ടിട്ടില്ലാത്ത വിഷ്വൽസ് ഉള്ള ഒരു സാങ്കൽപ്പിക ലോകത്തിൽ നടക്കുന്ന പീരിയോഡിക് ദൃശ്യങ്ങള്‍ ചിത്രത്തിന്‍റെ പ്രത്യേകതയാണ് എന്നും 123 തെലുങ്ക് മാധ്യമം റിപ്പോര്‍ട്ട് ചെയ്യുന്നുണ്ട്. സൽമാൻ ഖാൻ ഒരു യോദ്ധാവിന്‍റെ വേഷത്തിലാണ് എത്തുന്നത്. സൽമാൻ ഖാന്‍റെയും അറ്റ്‌ലിയുടെയും ചിത്രം മഗധീരയുടെ ലൈനിൽ ആയിരിക്കുമെന്നും റിപ്പോർട്ടിൽ പറയുന്നു.
സിനിമയിൽ കമൽ ഹാസൻ ഭാഗമാകുമെന്ന് നേരത്തെ റിപ്പോർട്ടുകൾ വന്നിരുന്നു. ഇന്ത്യൻ സിനിമ ഇതുവരെ കണ്ടിട്ടുള്ളതിൽ ഏറ്റവും വലിയ ആക്ഷൻ ചിത്രമായിരിക്കും ഇത് എന്നാണ് റിപ്പോർട്ട്. അടുത്ത വർഷത്തിന്റെ തുടക്കത്തിൽ തന്നെ സിനിമയുടെ ചിത്രീകരണം ആരംഭിക്കാനുള്ള പദ്ധതിയിലാണ് അറ്റ്ലി എന്നാണ് സൂചന.
നേരത്തെ അല്ലു അർജുനൊപ്പം അറ്റ്ലി ഒരു സിനിമ ചെയ്യാനൊരുങ്ങുന്നതായി റിപ്പോർട്ടുകളുണ്ടായിരുന്നു. എന്നാൽ അല്ലുവിനൊപ്പമുള്ള സിനിമയ്ക്കായി അറ്റ്ലി പ്രതിഫലമായി 80 കോടി രൂപ ആവശ്യപ്പെട്ടുവെന്നും ഇക്കാരണത്താൽ നിർമ്മാതാക്കൾ സിനിമ ഉപേക്ഷിക്കുകയായിരുന്നു എന്നുമാണ് റിപ്പോര്‍ട്ടുകള്‍. വമ്പന്‍ ബജറ്റില്‍ ഒരു ആക്ഷൻ ത്രില്ലർ സിനിമയായിരുന്നു അല്ലു അർജുൻ-അറ്റ്ലി കോംബോയിൽ പദ്ധതിയിട്ടിരുന്നത്. അറ്റ്ലി പല തവണ അല്ലുവുമായി കൂടിക്കാഴ്ച നടത്തുകയും കഥ പറയുകയും ചെയ്തതായും റിപ്പോർട്ടുകളുണ്ട്.
Content Highlights: Atlee Salman Khan Movie Latest Report
