Get the latest news at
your fingertips!
Download our app now
LIVE TV
Search
സുകുമാർ സംവിധാനം ചെയ്ത് അല്ലു അർജുൻ നായകനാകുന്ന ആക്ഷൻ ചിത്രമാണ് 'പുഷ്പ 2 ദി റൂൾ'. 'പുഷ്പ'യുടെ രണ്ടാം ഭാഗമായി പുറത്തിറങ്ങുന്ന ചിത്രത്തിന് വലിയ പ്രതീക്ഷകളാണ് സിനിമാ പ്രേമികൾക്കിടയിൽ ഉള്ളത്. എന്നാല്‍ സിനിമയുടെ ചിത്രീകരണം ഇപ്പോഴും നടന്നുകൊണ്ടിരിക്കുകയാണെന്നാണ് പുറത്തുവരുന്ന റിപ്പോര്‍ട്ടുകള്‍.
രണ്ടാഴ്ച കഴിഞ്ഞാല്‍ റിലീസ് ചെയ്യാനിരിക്കുന്ന ചിത്രത്തിന്റെ ഷൂട്ട് നീണ്ടുപോകുന്നത് ആരാധകരില്‍ വലിയ ആശങ്കയാണ് ഉണ്ടാക്കിയിരികുന്നത്. ക്ലൈമാക്‌സ് സീനുകളിലെ വിഎഫ്എക്‌സും അവസാനഘട്ടിലെന്നാണ് റിപ്പോര്‍ട്ടുകള്‍. ചിത്രത്തിന്റെ സെന്‍സറിങ്ങും ഐമാക്‌സ് കണ്‍വേര്‍ഷനും പോലുള്ള വലിയ കടമ്പകള്‍ ഇതുമൂലം വൈകിയേക്കുമെന്നാണ് റിപ്പോർട്ടുകൾ പറയുന്നത്. എന്നാൽ ഇത് പരിഹരിക്കാനായി നാല് പ്രൊഡക്ഷന്‍ ടീമിനെ സംവിധായകന്‍ സുകുമാര്‍ ഏര്‍പ്പാടാക്കിയിട്ടുണ്ടെന്നും വിവരം ഉണ്ട്.
The shooting for #Pushpa2TheRule has not been wrapped up yet❗👀
— Mohammed Ihsan (@ihsan21792) November 24, 2024
While it's common for some films to continue shooting until just weeks before release, completing the shooting and post-production for a project of Pushpa 2's scale would be a monumental task. However, the makers… pic.twitter.com/EiitlMkhFE
മൂന്ന് വര്‍ഷം സമയം കിട്ടിയിട്ടും പറഞ്ഞ സമയത്തിനുള്ളില്‍ ചിത്രീകരണം പൂർത്തിയാകാത്തതിൽ അണിയറപ്രവര്‍ത്തകർക്ക് നേരെ വിമർശനവും ഉയരുന്നുണ്ട്. സംവിധായകന്‍ സുകുമാര്‍ സ്‌ക്രിപ്റ്റില്‍ അടിക്കടി മാറ്റം വരുത്തുന്നതും, ഷെഡ്യൂളുകള്‍ തോന്നിയ പോലെ ബ്രേക്ക് ചെയ്യുന്നതും കാരണം അല്ലുവും സുകുമാറും തമ്മില്‍ തെറ്റിയതായും റിപ്പോര്‍ട്ടുകളുണ്ടായിരുന്നു. പുഷ്പയുടെ ആദ്യഭാഗത്തിന്റെ റിലീസ് സമയത്തും ഇതുപോലൊരു നിരവധി പ്രശ്‌നങ്ങൾ നേരിട്ടിരുന്നു. ചിത്രത്തിന്റെ ഡബ്ബ് ചെയ്ത ഓഡിയോ ഫയലുകള്‍ക്ക് എറര്‍ നേരിട്ടത് അവസാനനിമിഷത്തില്‍ തിരിച്ചടിയായിരുന്നു. ആദ്യദിനത്തില്‍ മലയാളം പതിപ്പ് റിലീസായിട്ടില്ലായിരുന്നു.
അതേസമയം, പുഷ്പ 2 വിന്റെ പ്രമോഷൻ പരിപാടികൾ തകൃതിയായി നടന്നുക്കൊണ്ടിരിക്കുകയാണ്. കേരളത്തിലേക് ഉടൻ പുഷ്പ ടീം എത്തും. ബിഹാറിലും ചെന്നൈയിലും മികച്ച സ്വീകരണമാണ് അല്ലുവിന് ലഭിച്ചത്. ഡിസംബർ അഞ്ചിനാണ് സിനിമയുടെ റിലീസ്.
Content Highlights: Pushapa 2 is still shooting just days before release report
