Get the latest news at
your fingertips!
Download our app now
LIVE TV
Search
ഇന്ത്യൻ സിനിമയിലെ സമീപകാല കളക്ഷൻ റെക്കോർഡുകൾ എല്ലാം പഴങ്കഥയാക്കി മുന്നേറുകയാണ് അല്ലു അർജുൻ നായകനായ പുഷ്പ 2 . സമ്മിശ്ര പ്രതികരണമാണ് സിനിമക്ക് ലഭിക്കുന്നതെങ്കിലും 1200 കോടിയും കടന്ന് കുതിപ്പ് തുടരുകയാണ് ചിത്രം. ഇപ്പോഴിതാ ചിത്രം ത്രീഡിയിൽ കാണാനുള്ള അവസരം കൂടി ഒരുക്കിയിരിക്കുകയാണ് ചിത്രത്തിന്റെ നിർമാതാക്കളായ മൈത്രി മൂവി മേക്കേഴ്‌സ്. ഹൈദരാബാദിലെ തിരഞ്ഞെടുത്ത സ്‌ക്രീനുകളിലാണ് പുഷ്പ 2 ത്രീഡിയിൽ പ്രദർശിപ്പിക്കുന്നത്. രാജ്യത്തുടനീളം നിരവധി 3D ഷോകൾ ചേർക്കാൻ പദ്ധതിയിടുന്നതായും നിർമാതാക്കൾ അറിയിച്ചു.
Add another dimension to the WILDFIRE on the big screens 🤩
— Mythri Movie Makers (@MythriOfficial) December 15, 2024
Watch #Pushpa2TheRule (Telugu) in 3D at select screens in Hyderabad. It is going be an epic experience 😎
Many more 3D shows being added all across the country.
Book your tickets now!
🎟️ https://t.co/tHogUVEgCt… pic.twitter.com/SCM1jC4btx
സുകുമാര്‍ സംവിധാനം ചെയ്തിരിക്കുന്ന പുഷ്പയുടെ തെലുങ്ക് പതിപ്പിനേക്കാള്‍ കൂടുതല്‍ കളക്ഷന്‍ നേടുന്നത് ഹിന്ദി പതിപ്പാണ്. പുഷ്പ ആദ്യഭാഗം ആഗോളതലത്തില്‍ 350 കോടിയോളം രൂപയായിരുന്നു നേടിയിരുന്നത്. ഈ തുക രണ്ട് ദിവസം കൊണ്ട് പുഷ്പ 2 മറികടന്നിരുന്നു. ആദ്യദിനത്തില്‍ മാത്രം സിനിമ ആഗോളതലത്തില്‍ 294 കോടിയായിരുന്നു നേടിയത്. ഇതും റെക്കോര്‍ഡായിരുന്നു.
തെലുങ്ക്, തമിഴ്, മലയാളം, ഹിന്ദി, കന്നഡ, ബംഗാളി ഭാഷകളിലാണ് ചിത്രം പ്രദർശനത്തിനെത്തിയത്. ഇ ഫോർ എന്‍റർടെയ്ൻമെന്‍റ്സാണ് പുഷ്പ 2 കേരളത്തിലെത്തിച്ചത്. അല്ലു അര്‍ജുനും രശ്മിക മന്ദാനയും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തില്‍ സുനില്‍, ഫഹദ് ഫാസിൽ, അനസൂയ ഭരദ്വാജ് തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. മൈത്രി മൂവി മേക്കേഴ്‌സാണ് ചിത്രം നിര്‍മിച്ചത്.
Content Highlights: The makers have announced that Pushpa 2 will be screened in 3D
