LIVE TV
ബ്ലോക്ക്ബസ്റ്റർ തെലുങ്ക് ചിത്രം ലക്കി ഭാസ്കറിന് ശേഷം ദുൽഖർ സൽമാൻ നായകനായെത്തുന്ന ചിത്രമാണ് 'കാന്ത'. സെൽവമണി സെൽവരാജ് ആണ് ഈ ചിത്രം രചിച്ച് സംവിധാനം ചെയ്യുന്നത്. ഇപ്പോഴിതാ ചിത്രത്തിന്റെ ഒടിടി റൈറ്റ്സ് വൻ തുകയ്ക്ക് വിറ്റു പോയിരിക്കുന്നതായാണ് റിപ്പോർട്ടുകൾ. സിനിമയുടെ ഫസ്റ്റ് ലുക്ക് പോസ്റ്റർ ഇറങ്ങുന്നതിന് മുന്നേ തന്നെ നെറ്റ്ഫ്ലിക്സ് ചിത്രത്തിന്റെ റൈറ്റ്സ് സ്വന്തമാക്കിയതായും റിപ്പോർട്ടുകളില്‍ പറയുന്നു.
ഈ മാസം ചിത്രത്തിന്റെ ടീസർ പുറത്തുവിടാൻ അണിയറപ്രവർത്തകർ പ്ലാൻ ചെയ്തതായും റാണ ദഗ്ഗുബതിയുടെ ഫസ്റ്റ് ലുക്ക് പോസ്റ്റർ അടുത്തായി പുറത്തുവിടുമെന്നും സൂചനയുണ്ട്. നേരത്തെ പുറത്തുവിട്ട ദുൽഖറിന്റെ ക്യാരക്ടർ പോസ്റ്ററിന് മികച്ച സ്വീകാര്യതയായിരുന്നു ലഭിച്ചിരുന്നത്. 1950 കാലഘട്ടത്തിലെ മദ്രാസിന്റെ പശ്ചാത്തലത്തിലാണ് കാന്തയുടെ കഥ പറയുന്നത്.
#Kaantha Career biggest OTT Rights for #DulquerSalmaan! Netflix already taken the rights even before its FL 🔥🔥 Wayfarer & Spirit Media Doing good job!!
— Apz ♥️ (@AlhamdRash18637) March 5, 2025
Team planning to Release the teaser on this month!! Also Rana poster Loading!!
ദുൽഖർ സൽമാന്റെ ഉടമസ്ഥതയിലുള്ള വേഫെറർ ഫിലിംസ്, റാണ ദഗ്ഗുബതിയുടെ ഉടമസ്ഥതയിലുള്ള സ്പിരിറ്റ് മീഡിയ എന്നിവർ ചേർന്നാണ് ഈ ബഹുഭാഷാചിത്രം നിർമ്മിക്കുന്നത്. ജോം വർഗീസ്, പ്രശാന്ത് പോട്ട്ലൂരി തുടങ്ങിയവരും ചിത്രത്തിന്റെ നിര്‍മ്മാണത്തില്‍ പങ്കാളികളാണ്.
വേഫേറർ ഫിലിംസ് നിർമ്മിക്കുന്ന ആദ്യ അന്യഭാഷാ ചിത്രം കൂടിയാണ് 'കാന്ത'. തമിഴ്, മലയാളം, തെലുങ്കു, ഹിന്ദി ഭാഷകളില്‍ ചിത്രം റിലീസ് ചെയ്യും.
Content Highlights: Reportedly, Kanta's OTT rights have been sold for a huge amount
