Get the latest news at
your fingertips!
Download our app now
LIVE TV
Search
വീടൊക്കെ തുടച്ച് വൃത്തിയാക്കാന്‍ മടിയുള്ളവരാണോ നിങ്ങള്‍, എന്നാല്‍ കരുതിയിരുന്നോളൂ. നിങ്ങളെ നിരവധി രോഗങ്ങള്‍ കാത്തിരിക്കുന്നുണ്ട്. വീടിനുളളിലെ പൊടിയില്‍ അഴുക്ക്, വളര്‍ത്തുമൃഗങ്ങളുടെ രോമങ്ങള്‍, പൂപ്പല്‍, ബാക്ടീരിയകള്‍, പൊടി പടലങ്ങള്‍, മൈക്കോ ടോക്‌സിന്‍ തുടങ്ങിയവയെല്ലാം അടങ്ങിയിട്ടുണ്ട്.
നമ്മള്‍ 'ഓ വെറും പൊടിയല്ലേ' എന്ന് കരുതി തള്ളിക്കളഞ്ഞാല്‍ പിന്നീട് വലിയ വില കൊടുക്കേണ്ടി വരും. New York State Department of Health പറയുന്നതനുസരിച്ച് 2.5 മൈക്രോണുകളോ അതില്‍ കുറവോ വ്യാസമുളള (പിഎം25)സൂക്ഷ്മ കണികകളുമായുളള സമ്പര്‍ക്കം വളരെ അപകടകരമാണ്. പിഎം 2.5 പൊടിപടലങ്ങള്‍ ശ്വസിക്കുന്നത് ഹൃദ്‌രോഗം, ആസ്ത്മ തുടങ്ങിയ ആരോഗ്യ പ്രശ്‌നങ്ങള്‍ ഉണ്ടാക്കും.
മനുഷ്യന്റെ കണ്ണുകൊണ്ട് 40 മൈക്രോണ്‍ വരെ പൊടിപടലങ്ങള്‍ മാത്രമേ കാണാന്‍ സാധിക്കൂ. നഗ്നനേത്രങ്ങള്‍ കൊണ്ട് കാണാന്‍ സാധിക്കാത്ത പൊടിപടലങ്ങള്‍ ശ്വാസകോശത്തില്‍ സുഷിരങ്ങള്‍ ഉണ്ടാക്കി നമ്മുടെ രക്തത്തില്‍ പ്രവേശിക്കാന്‍ വരെ കെല്‍പ്പുളളവയാണ്. ഇത്തരത്തിലുളള സൂക്ഷ്മകണികകളോട് സമ്പര്‍ക്കം പുലര്‍ത്തുന്നത് ചുമ, കണ്ണില്‍നിന്ന് വെള്ളം വരിക, ആസ്ത്മ, വിട്ടുമാറാത്ത ബ്രോങ്കൈറ്റീസ് എന്നിവയ്‌ക്കൊക്കെ കാരണമാകും. ദീര്‍ഘകാലത്തേക്ക് ഇവ നമ്മുടെ ശരീരത്തില്‍ പ്രവേശിക്കുന്നത് ഹൃദയസംബന്ധമായ തകരാറുകള്‍, വ്യക്കകളുടെ പ്രവര്‍ത്തനത്തിലുള്ള തകരാറുകള്‍, ന്യൂറോളജിക്കല്‍ പ്രശ്‌നങ്ങള്‍, കാന്‍സര്‍ എന്നിവയിലേക്ക് നയിച്ചേക്കാം.
Content Highlights : Invisibly, the dust around us can cause health problems ranging from respiratory problems to cancer
