Get the latest news at
your fingertips!
Download our app now
LIVE TV
Search
ശരീരത്തിന് ആവശ്യമായ പോഷകങ്ങളില്‍ ഒന്നാണ് വിറ്റാമിന്‍ ഇ. പ്രതിരോധശേഷിയെ വര്‍ധിപ്പിക്കുന്നത് മുതല്‍ ബ്ലഡ് ക്ലോട്ടിങ് തടയുന്നത് വരെ നിരവധി ഗുണങ്ങള്‍ വിറ്റാമിന്‍ ഇയ്ക്ക് ഉണ്ട്. ചര്‍മ്മസംരക്ഷണത്തിലും വിറ്റാമിന്‍ ഇ വഹിക്കുന്ന പങ്ക് ചെറുതല്ല. നട്‌സ്, പച്ചക്കറികള്‍, പഴങ്ങള്‍ തുടങ്ങിയവയിലൂടെ വിറ്റാമിന്‍ ഇ നമുക്ക് ലഭിക്കും. എന്നാല്‍ വിറ്റാമിന്‍ ഇ സപ്ലിമെന്റുകള്‍ എടുക്കുന്നതിന് മുമ്പ് നിര്‍ബന്ധമായും ഡോക്ടറെ കണ്ടിരിക്കണമെന്ന് ഓര്‍മ്മപ്പെടുത്തുകയാണ് ആരോഗ്യവിദഗ്ധര്‍. ഇല്ലെങ്കില്‍ ഇത് ഗുരുതര ആരോഗ്യപ്രശ്‌നങ്ങള്‍ക്കാകും കാരണമാകുക.
ശരാശരി ഒരു മനുഷ്യന് ദിവസേന 15 മില്ലിഗ്രാം വിറ്റാമിന്‍ ഇ എങ്കിലും ആവശ്യമാണെന്നാണ് കണക്ക്. 1100 എംജി വരെ ഈ അളവ് പോകാം. എന്നാല്‍ ഇതിലും കൂടുതലാണ് ശരീരത്തിന് ദിവസേന ലഭിക്കുന്ന വിറ്റാമിന്‍ ഇയുടെ അളവെങ്കില്‍ അത് ആരോഗ്യത്തെ പ്രതികൂലമായി തന്നെ ബാധിക്കും. ഈ അവസ്ഥയെയാണ് വിറ്റാമിന്‍ ഇ ടോക്‌സിറ്റി എന്ന് പറയുന്നത്.
തലകറക്കം, ഛര്‍ദ്ദി തുടങ്ങി ബ്രെയിന്‍ സ്‌ട്രോക്ക്, മസില്‍ ശക്തിക്ഷയം എന്നീ ഗുരുതര അവസ്ഥകള്‍ക്ക് വരെ വിറ്റാമിന്‍ ഇ ടോക്‌സിറ്റി കാരണമായേക്കാമെന്നാണ് ആരോഗ്യവിദഗ്ധര്‍ പറയുന്നത്. വിറ്റാമിന്‍ ഇ സപ്ലിമെന്റ്‌സ് അമിതമായി കഴിക്കുന്ന ആളുകള്‍ക്ക് മാത്രമാണ് ഈ ആരോഗ്യാവസ്ഥയുണ്ടാകുക. വിറ്റാമിന്‍ ഇ അടങ്ങിയ ഭക്ഷണങ്ങള്‍ അമിതമായി കഴിക്കുന്നതുകൊണ്ട് ഒരിക്കലും ഈ അവസ്ഥയുണ്ടാകില്ല.
വിറ്റാമിന്‍ ഇ ടോക്‌സിറ്റിയുണ്ടോ എന്ന് എങ്ങനെയറിയാം?
തലവേദന, ഛര്‍ദ്ദി, വയറിളക്കം, മലബന്ധം, ക്ഷീണം തുടങ്ങിയവ വിറ്റാമിന്‍ ഇ ടോക്‌സിറ്റിയുടെ ആദ്യ ലക്ഷണങ്ങളായിരിക്കാം. അവസ്ഥ ഗുരുതരമായാല്‍ ആന്തരിക രക്തശ്രാവം സ്‌ട്രോക്ക്, കാന്‍സര്‍ എന്നീ രോഗങ്ങള്‍ക്കുള്ള സാധ്യതയും ആരോഗ്യ വിദഗ്ധര്‍ ചൂണ്ടിക്കാട്ടുന്നു. വിറ്റാമിന്‍ ഇ സപ്ലിമെന്റുകള്‍ കഴിക്കുന്നവരില്‍ ഈ ലക്ഷണങ്ങള്‍ കണ്ടാല്‍ ഉടന്‍ തന്നെ ഡോക്ടറെ കാണേണ്ടത് അത്യാവശ്യമാണ്.
Content Highlights: Unknown side effects of having too much Vitamin E
