Get the latest news at
your fingertips!
Download our app now
LIVE TV
Search
ശ്രീനഗറിലേക്കുള്ള ആദ്യ വന്ദേഭാരത് സർവീസ് പ്രധാനമന്ത്രി നരേന്ദ്ര മോദി ഏപ്രിൽ 19ന് ഉദ്‌ഘാടനം ചെയ്യും. ഉധംപൂർ- ശ്രീനഗർ - ബാരാമുളള റെയിൽപാത പ്രോജക്ടിന്റെ എല്ലാ നിർമാണപ്രവൃത്തികളും പൂർണമായും അവസാനിച്ചതോടെയാണ് വന്ദേഭാരത് സർവീസ് ആരംഭിക്കുന്നത്.
ജമ്മു താവി മുതൽ ശ്രീനഗർ വരെയാണ് വന്ദേഭാരത് സർവീസ് നടത്തുക. നിലവിൽ ജമ്മു സ്റ്റേഷനിൽ നിർമാണപ്രവൃത്തികൾ നടക്കുന്നതിനാൽ താത്കാലികമായി കത്രയിൽ നിന്നാകും ട്രെയിൻ സർവീസ് നടത്തുക. കഴിഞ്ഞ മാസമാണ് റെയിൽപാതയുടെ എല്ലാ പണികളും പൂർത്തിയായത്. തുടർന്ന് കത്ര-ബാരാമുള്ള പാതയിൽ ട്രയൽ റണ്ണും നടത്തിയിരുന്നു.
രാജ്യത്തെ തന്നെ ഏറ്റവും പ്രധാനപ്പെട്ട എഞ്ചിനീറിങ് അത്ഭുതമായ ചെനാബ് പാലത്തിലൂടെ സർവീസ് കടന്നുപോകും. ഈഫൽ ടവറിനേക്കാൾ ഉയരമുള്ള, ലോകത്തിലെ ഏറ്റവും ഉയരമുള്ള റെയിൽ പാലമാണ് ചെനാബ് പാലം. നേരത്തെതന്നെ ഈ പാതയിലൂടെ വന്ദേഭാരത് പരീക്ഷണ ഓട്ടം നടത്തിയിരുന്നു.
ശ്രീനഗറിലെ ജനങ്ങൾ ആഘോഷപൂർവമാണ് താഴ്വരയിലേക്കുള്ള ആദ്യത്തെ വന്ദേഭാരതിനെ ട്രയൽ റണ്ണിനിടെ സ്വീകരിച്ചത് റൈസി, ബനിഹാൽ എന്നിവയായിരിക്കും സർവീസിനുള്ള ഔദ്യോഗിക സ്റ്റോപ്പുകൾ. കശ്മീരിൽ ഉണ്ടാകുന്ന കനത്ത മഞ്ഞുവീഴ്ചയിലും മുടങ്ങാതെ സർവീസ് നടത്താനുള്ള സംവിധാനങ്ങൾ ട്രെയിനിലുണ്ട് എന്നാണ് റിപ്പോർട്ടുകൾ.
നേരത്തെ ഫെബ്രുവരി 17നായിരുന്നു സർവീസിന്റെ ഫ്ലാഗ് ഓഫ് നിശ്ചയിച്ചിരുന്നത്. എന്നാൽ അവസാന നിമിഷത്തിൽ മാറ്റിവെക്കുകയായിരുന്നു. എട്ട് കോച്ചുകളാണ് ട്രെയിനിൽ ഉണ്ടാകുക. ശ്രീ മാതാ വൈഷ്ണോ ദേവി കത്രയിൽ നിന്ന് ശ്രീനഗർ വരെയുള്ള 150 കിലോമീറ്റർ ദൂരം വെറും രണ്ടര മണിക്കൂറിലാണ് ട്രെയിൻ പിന്നിടുക. ജമ്മുവിലേക്ക് സർവീസ് നീട്ടുന്നതോടെ നാല് മണിക്കൂറിനുള്ളിൽ ശ്രീനഗറിലേക്കെത്താം. വന്ദേഭാരത് സർവീസ് ആരംഭിക്കുന്നതോടെ കശ്മീർ താഴ്വരയിലേക്ക്‌ ടൂറിസ്റ്റുകൾക്ക് എളുപ്പം എത്താൻ സാധിക്കും.
Content Highlights: Jammu Srinagar Vande Bharat inaugration soon
