LIVE TV
നിങ്ങള്‍ക്ക് വളരെ വേണ്ടപ്പെട്ട ഒരാള്‍ അത്യാവശ്യമായി കുറച്ച് പണം ആവശ്യപ്പെടുകയാണ്. പക്ഷേ നിങ്ങള്‍ പണം അയച്ചപ്പോള്‍ അക്കൗണ്ട് മാറി പോയി മറ്റാരുടെയെങ്കിലും അക്കൗണ്ടിലേക്ക് പണം ചെന്നുവെന്ന് വിചാരിക്കുക. പെട്ടെന്ന് ടെന്‍ഷനായി പണം പോയല്ലോ എന്ന് ആശങ്കപ്പെടേണ്ടതില്ല. പണം തിരികെ അക്കൗണ്ടിലേക്ക് ലഭിക്കാന്‍ മാര്‍ഗമുണ്ട്.
ഉടന്‍തന്നെ നിങ്ങളുടെ ബാങ്കിന്റെ അടുത്തുള്ള ശാഖയുമായി ബന്ധപ്പെടുക. പണം മാറി അയച്ച അക്കൗണ്ട് നമ്പര്‍ ഉള്‍പ്പെടെയുള്ള വിവരങ്ങള്‍ ഉള്‍പ്പെടുത്തി ഒരു പരാതി എഴുതി നല്‍കുക. ബാങ്ക് പ്രശ്‌നം പരിഹരിക്കുന്നതായിരിക്കും. ഇനി ബാങ്ക് കാര്യമായ നടപടിയൊന്നും എടുത്തില്ല എങ്കില്‍ ഏത് ബാങ്കാണോ അതിന്റെ ഹെഡ് ഓഫീസുമായി ബന്ധപ്പെടാവുന്നതാണ്. അവിടെനിന്നും പരാതി പരിഹാരം ഉണ്ടായില്ല എങ്കില്‍ ആര്‍ബിഐയെ ബന്ധപ്പെടാം.
Content Highlights :Did you send money to a different bank account? What can you do to get the money back?
