Get the latest news at
your fingertips!
Download our app now
LIVE TV
Search
ഇന്ത്യന്‍ വിക്കറ്റ് കീപ്പര്‍ ബാറ്റര്‍ റിഷഭ് പന്ത് അടുത്ത സീസണ്‍ ഐപിഎല്ലില്‍ ചെന്നൈ സൂപ്പര്‍ കിങ്‌സിന്റെ തട്ടകത്തിലെത്തുമെന്നതിന്റെ വ്യക്തമായ സൂചന നല്‍കി മുന്‍ താരവും സ്റ്റാര്‍ ഓള്‍റൗണ്ടറുമായ സുരേഷ് റെയ്ന. ഡല്‍ഹിയില്‍ നിന്ന് കൂടുമാറിയ പന്ത് ചെന്നൈയിലെത്തുമെന്ന് നേരത്തെയും അഭ്യൂഹങ്ങളുണ്ടായിരുന്നു. കഴിഞ്ഞ ദിവസം പ്രഖ്യാപിക്കപ്പെട്ട റീടെന്‍ഷന്‍ ലിസ്റ്റില്‍ ഡല്‍ഹി ക്യാപിറ്റല്‍സ് പന്തിനെ ഒഴിവാക്കിയിരുന്നു. ലേലത്തിലെത്തിയാല്‍ പന്തിനെ എന്തുവില കൊടുത്തും ചെന്നൈയുടെ തട്ടകത്തിലെത്തിക്കാന്‍ ധോണിയും മാനേജ്‌മെന്റും തമ്മില്‍ സജീവമായ ചര്‍ച്ചകളുമുണ്ടായിരുന്നു.
ഇപ്പോള്‍ എല്ലാ അഭ്യൂഹങ്ങള്‍ക്കും ശക്തി പകര്‍ന്ന് രംഗത്തെത്തിയിരിക്കുകയാണ് റെയ്ന. ഡല്‍ഹിയില്‍ വെച്ച് മുന്‍ സഹതാരവും സുഹൃത്തുമായ എം എസ് ധോണിയെ കണ്ട ചിത്രം സുരേഷ് റെയ്ന പങ്കുവെച്ചിരുന്നു. അന്ന് ധോണിയ്‌ക്കൊപ്പം റിഷഭ് പന്തിനെയും ഡല്‍ഹിയില്‍ വെച്ച് കണ്ടെന്നാണ് റെയ്‌നയുടെ വെളിപ്പെടുത്തല്‍.
Always a pleasure catching up with you mahi bhai ! @msdhoni pic.twitter.com/gkKKmSMVC9
— Suresh Raina🇮🇳 (@ImRaina) October 29, 2024
'ഞാന്‍ ഡല്‍ഹിയില്‍ വെച്ച് എം എസ് ധോണിയെ കണ്ടിരുന്നു. പന്തും അവിടെ ഉണ്ടായിരുന്നു. വലിയ കാര്യം സംഭവിക്കാന്‍ പോകുന്നുണ്ടെന്നാണ് ഞാന്‍ കരുതുന്നത്. പന്തിനെ ഉടനെ മഞ്ഞ ജേഴ്‌സിയണിഞ്ഞ് കാണാം', ജിയോസിനിമയില്‍ സംസാരിക്കവേ റെയ്ന പറഞ്ഞു.
ഇതില്‍ നിന്ന് തന്നെ ചെന്നൈ റിഷഭ് പന്തുമായി ധാരണയിലെത്തിയിട്ടുണ്ടെന്ന് വ്യക്തമാണ്. റെയ്‌നയുടെ വെളിപ്പെടുത്തല്‍ അഭ്യൂഹങ്ങള്‍ക്ക് ശക്തിപകര്‍ന്നിട്ടുണ്ട്. ചെന്നൈയിലെത്തിയാല്‍ 43കാരനായ എം എസ് ധോണിയുടെ പിന്‍ഗാമിയായ വിക്കറ്റ് കീപ്പറാവാന്‍ പന്തിന് കഴിയും. വരുന്ന സീസണില്‍ നാല് കോടി നല്‍കി അണ്‍ക്യാപ്ഡ് പ്ലേയറായി ധോണിയെ സിഎസ്‌കെ നിലനിര്‍ത്തിയിട്ടുണ്ട്. പന്ത് കൂടെ ചെന്നൈയിലെത്തിയാല്‍ ധോണിക്കൊപ്പം റിഷഭിനെയും മഞ്ഞക്കുപ്പായത്തില്‍ കാണാം.
Content Highlights: Suresh Raina confirms meeting between Rishabh Pant and MS Dhoni; India star's CSK move sealed
