Get the latest news at
your fingertips!
Download our app now
LIVE TV
Search
രഞ്ജി ട്രോഫി ക്രിക്കറ്റില്‍ ഉത്തര്‍പ്രദേശിനെതിരെ കേരളത്തിന്റെ മികച്ച ബൗളിങ് പ്രകടനം. ടോസ് നഷ്ടമായി ആദ്യ ദിനം ക്രീസിലിറങ്ങിയ ഉത്തര്‍പ്രദേശിനെ 162 റണ്‍സിന് ഓള്‍ഔട്ടാക്കാൻ കേരളത്തിന് സാധിച്ചു. അഞ്ച് വിക്കറ്റ് വീഴ്ത്തിയ ജലജ് സക്സേനയാണ് ഉത്തർപ്രദേശിനെ കറക്കിവീഴ്ത്തിയത്.
പത്താം നമ്പറിൽ ഇറങ്ങി 30 റണ്‍സെടുത്ത ശിവം ശര്‍മയാണ് ഉത്തര്‍പ്രദേശിന്‍റെ ടോപ് സ്കോറര്‍. നിതീഷ് റാണ 25 റണ്‍സെടുത്തു. 129-9 എന്ന നിലയില്‍ തകര്‍ന്ന ഉത്തര്‍പ്രദേശിനെ ശിവം ശര്‍മയും ആക്വിബ് ഖാനും തമ്മിലുള്ള 33 റണ്‍സിന്‍റെ അവസാന വിക്കറ്റ് കൂട്ടുകെട്ടാണ് 150 കടത്തിയത്. കേരളത്തിനായി ജലജ് സക്സേന 51 റണ്‍സ് വഴങ്ങി അഞ്ച് വിക്കറ്റെടുത്തു.
ഓപണറും ക്യാപ്റ്റനും കൂടിയായ ആര്യൻ ജുയൽ (57 പന്തിൽ 23 റൺസ്), മാധവ് കൗശിക് (58 പന്തിൽ 13 റൺസ്), നിതീഷ് റാണ (46 പന്തിൽ 25 റൺസ്), സിദ്ധാർഥ് യാദവ് (25 പന്തിൽ 19 റൺസ്), സൗരഭ് കുമാർ (52 പന്തിൽ 19 റൺസ്), ശിവം മാവി (22 പന്തിൽ 13 റൺസ്), പിയൂഷ് ചൗള (18 പന്തിൽ 10 റൺസ്) എന്നിവർ ഉത്തർപ്രദേശിന് വേണ്ടി ഭേദപ്പെട്ട പ്രകടനം കാഴ്ചവച്ചു. ആക്വിബ് ഖാൻ 26 പന്തിൽ മൂന്നു റൺസുമായി പുറത്താകാതെ നിന്നു.
അഞ്ച് വിക്കറ്റ് വീഴ്ത്തിയ ജലജ് സക്സേനയാണ് കേരളത്തിന്റെ ബൗളിങ് ആക്രമണത്തിന് നേതൃത്വം നൽകിയത്. 16 ഓവറിൽ 56 റൺസ് വഴങ്ങിയാണ് സക്സേന അഞ്ച് വിക്കറ്റ് വീഴ്ത്തിയത്. ബേസിൽ തമ്പി 12 ഓവറിൽ 18 റൺസ് വിട്ടുകൊടുത്ത് രണ്ട് വിക്കറ്റ് സ്വന്തമാക്കി. കെഎം ആസിഫ്, ബാബ അപരാജിത്, ആദിത്യ സർവതെ എന്നിവർ ഓരോ വിക്കറ്റ് വീഴ്ത്തി.
Content Highlights: Ranji Trophy: Kerala vs Uttarpradesh
