അഫ്ഗാനായി ചരിത്രം കുറിച്ച് റഹ്മത്ത് ഷാ; റെക്കോർ‌ഡ് ഇരട്ട സെഞ്ച്വറി നേട്ടത്തിൽ

സിംബാബ്‍വെയ്ക്കെതിരായ ടെസ്റ്റിലാണ് ഷായുടെ ചരിത്ര നേട്ടം

റിപ്പോർട്ടർ നെറ്റ്‌വര്‍ക്ക്‌

1 min read|29 Dec 2024, 08:32 am

ടെസ്റ്റ് ക്രിക്കറ്റിൽ ചരിത്ര നേട്ടവുമായി അഫ്ഗാനിസ്ഥാൻ ബാറ്റർ റഹ്മത്ത് ഷാ. അഫ്ഗാനായി ടെസ്റ്റ് ക്രിക്കറ്റിൽ ഏറ്റവും ഉയർന്ന വ്യക്തിഗത സ്കോർ നേടുന്ന താരമായിരിക്കുകയാണ് താരം. സിംബാബ്‍വെയ്ക്കെതിരായ ഒന്നാം ടെസ്റ്റിലാണ് ഷായുടെ ചരിത്ര നേട്ടം. 416 പന്തിൽ 23 ഫോറും മൂന്ന് സിക്സും സഹിതം റഹ്മത്ത് ഷാ 231 റൺസെടുത്തു ക്രീസിൽ തുടരുകയാണ്.

അഫ്ഗാൻ ക്രിക്കറ്റിൽ ഇരട്ട സെഞ്ച്വറി നേടുന്ന രണ്ടാമത്തെ മാത്രം താരമാണ് റഹ്മത്ത് ഷാ. 2021ൽ സിംബാബ്‍വെയ്ക്കെതിരെ ഹസ്മത്തുള്ള ഷാഹിദി ഇരട്ട സെഞ്ച്വറി നേടിയിരുന്നു. പുറത്താകാതെ 200 റൺസാണ് താരം അന്ന് നേടിയത്. അതിനിടെ അഫ്ഗാനിസ്ഥാനും സിംബാബ്‍വെയും തമ്മിലുള്ള ഒന്നാം ടെസ്റ്റിൽ റൺസൊഴുകുകയാണ്. ഒന്നാം ഇന്നിംഗ്സിൽ സിംബാബ്‍വെ ഉയർത്തിയ 586 എന്ന സ്കോറിന് അതേ നാണയത്തിൽ മറുപടി പറയുകയാണ് അഫ്ഗാനിസ്ഥാൻ.

Also Read:

Cricket

ഇത്തവണ ബുംമ്രയ്ക്ക് മുന്നിൽ‌ അടിതെറ്റി കോൺസ്റ്റാസ്; ഖ്വാജയെ വീഴ്ത്തി സിറാജ്

മൂന്നാം ദിവസം മത്സരം നിർത്തുമ്പോൾ അഫ്ഗാനിസ്ഥാൻ രണ്ട് വിക്കറ്റ് നഷ്ടത്തിൽ 425 റൺസെടുത്തിട്ടുണ്ട്. സിംബാബ്‍വെയുടെ ഒന്നാം ഇന്നിംഗ്സ് സ്കോറിനൊപ്പമെത്താൻ അഫ്ഗാന് ഇനി 116 റൺസ് കൂടി വേണം. റഹ്മത്ത് ഷായുടെ ഇരട്ട സെഞ്ച്വറിയും ക്യാപ്റ്റൻ ഹസ്മത്തുള്ള ഷാഹിദിയുടെ സെഞ്ച്വറിയുമാണ് അഫ്ഗാൻ ഇന്നിംഗ്സിന് കരുത്തായത്. 416 പന്തിൽ 23 ഫോറും മൂന്ന് സിക്സും സഹിതം റഹ്മത്ത് ഷാ 231 റൺസെടുത്തു ക്രീസിൽ തുടരുകയാണ്.

276 പന്തിൽ 16 ഫോറുകൾ സഹിതമാണ് ഷാഹിദി 141 റൺസുമായി പുറത്താകാതെ നിൽക്കുന്നത്. ഇരുവരും ചേർന്ന പിരിയാത്ത മൂന്നാം വിക്കറ്റിൽ ഇതുവരെ 361 റൺസ് കൂട്ടിച്ചേർത്തിട്ടുണ്ട്. വിക്കറ്റ് നഷ്ടമില്ലാതെ മൂന്നാം ദിവസം അവസാനിപ്പിക്കാനും അഫ്ഗാനിസ്ഥാന് കഴിഞ്ഞു.