'തുടക്കം നന്നായിരുന്നു, ഔട്ടായപ്പോൾ നിരാശ തോന്നി'; സ്വന്തം പ്രകടനത്തെ വിലയിരുത്തി ബാബർ അസം

ദക്ഷിണാഫ്രിക്കയ്ക്കെതിരായ രണ്ടാം ടെസ്റ്റിലെ സ്വന്തം പ്രകടനത്തെ വിലയിരുത്തി പാകിസ്താൻ താരം ബാബർ അസം. രണ്ട് ഇന്നിം​ഗ്സിലെയും പ്രകടനത്തിൽ താൻ നിരാശനാണ്. താൻ മികച്ച രീതിയിൽ രണ്ട് ഇന്നിം​ഗ്സിലും ബാറ്റ് ചെയ്തു. എന്നാൽ നന്നായി ഇന്നിം​ഗ്സ് അവസാനിപ്പിക്കാൻ തനിക്ക് കഴിഞ്ഞില്ല. ക്രീസിൽ ഉറച്ച് ഉറച്ച് നിൽക്കാൻ കഴിഞ്ഞാൽ പിന്നെ മികച്ച ഇന്നിം​ഗ്സ് പൂർത്തിയാക്കാൻ കഴിയണം. അതുകൊണ്ടാണ് വിക്കറ്റ് നഷ്ടപ്പെട്ടപ്പോൾ താൻ നിരാശനായത്. മൂന്നാം ദിവസത്തെ മത്സരം അവസാനിക്കാൻ 15 മിനിറ്റ് മാത്രം ബാക്കിയുള്ളപ്പോഴാണ് തന്റെ വിക്കറ്റ് നഷ്ടമായത്. ബാബർ അസം പ്രതികരിച്ചു.

ദക്ഷിണാഫ്രിക്കയ്ക്കെതിരായ രണ്ടാം ടെസ്റ്റിൽ ആദ്യ ഇന്നിം​ഗ്സിൽ ബാബർ അസം 58 റൺസും രണ്ടാം ഇന്നിം​ഗ്സിൽ 81 റൺസും നേടാൻ ബാബറിന് കഴിഞ്ഞു. എന്നാൽ അന്താരാഷ്ട്ര ക്രിക്കറ്റിലെ സെഞ്ച്വറി വരൾച്ച അവസാനിപ്പിക്കാൻ ബാബറിന് കഴിഞ്ഞില്ല. 2022 ഡിസംബറിൽ ന്യൂസിലാൻഡിനെതിരെയാണ് ബാബർ അവസാനമായി ടെസ്റ്റ് ക്രിക്കറ്റിൽ സെഞ്ച്വറി നേടിയത്. 2023 ആ​ഗസ്റ്റിൽ നേപ്പാളിനെതിരെയാണ് ഏകദിന ക്രിക്കറ്റിൽ ബാബറിന്റെ അവസാന സെഞ്ച്വറി പിറന്നത്.

അതിനിടെ ദക്ഷിണാഫ്രിക്കയ്ക്കെതിരായ രണ്ടാം ടെസ്റ്റിൽ ഇന്നിം​ഗ്സ് തോൽവി ഒഴിവാക്കാൻ പാകിസ്താൻ പൊരുതുകയാണ്. മത്സരത്തിന്റെ മൂന്നാം ദിവസം സ്റ്റമ്പെടുക്കുമ്പോൾ രണ്ടാം ഇന്നിം​ഗ്സിൽ പാകിസ്താൻ ഒരു വിക്കറ്റ് നഷ്ടത്തിൽ 213 റൺസെന്ന നിലയിലാണ്. ഇന്നിം​ഗ്സ് തോൽവി ഒഴിവാക്കാൻ പാകിസ്താന് ഇനി 208 റൺ‌സ് കൂടി വേണം. സ്കോർ ദക്ഷിണാഫ്രിക്ക ആദ്യ ഇന്നിം​ഗ്സിൽ 615. പാകിസ്താൻ ഒന്നാം ഇന്നിം​ഗ്സ് 194, രണ്ടാം ഇന്നിം​ഗ്സ് ഒന്നിന് 213 (ഫോളോ ഓൺ).

Also Read:

Cricket

'170, 180 റൺസ് നേടിയാൽ വിജയിക്കാൻ സാധിക്കില്ല'; ഇന്ത്യൻ ടീമിനെ വിമർശിച്ച് ​ഗാം​ഗുലി

നേരത്തെ മൂന്ന് വിക്കറ്റ് നഷ്ടത്തിൽ 64 റൺസെന്ന നിലയിലാണ് പാകിസ്താൻ മൂന്നാം ദിവസം രാവിലെ ബാറ്റിങ് ആരംഭിച്ചത്. 194 റൺസിൽ പാക് പടയുടെ ആദ്യ ഇന്നിം​ഗ്സ് പോരാട്ടം അവസാനിച്ചു. 58 റൺസെടുത്ത ബാബർ അസം, 46 റൺസെടുത്ത മുഹമ്മദ് റിസ്വാൻ എന്നിവരാണ് പാകിസ്താനായി അൽപ്പമെങ്കിലും പിടിച്ചുനിന്നത്. ദക്ഷിണാഫ്രിക്കയ്ക്കായി ക​ഗീസോ റബാദ മൂന്ന് വിക്കറ്റെടുത്തു.

രണ്ടാം ഇന്നിം​ഗ്സിൽ ഷാൻ മസൂദും ബാബർ അസമും ചേർന്ന് പാകിസ്താന് മികച്ച തുടക്കമാണ് നൽകിയത്. ഒന്നാം വിക്കറ്റിൽ ഇരുവരും 205 റൺസ് കൂട്ടിച്ചേർത്തു. 81 റൺസെടുത്താണ് ബാബർ പുറത്തായത്. ഷാൻ മസൂദ് 102 റൺസുമായി ക്രീസിൽ തുടരുന്നു.

Content Highlights: Babar Azam said "Disappointed" As Test Century Drought Continues

Cricket

Cricket

'സഞ്ജു സ്ഥാനം ഉറപ്പിച്ചുകഴിഞ്ഞു, ഇം​ഗ്ലണ്ടിനെതിരെ ഇനി റിഷഭ് പന്തിന് ഇടമില്ല'; പ്രവചിച്ച് മുൻ കോച്ച്

Cricket

'ലോകം കീഴടക്കാന്‍ തയ്യാറാണ്'; മിഡില്‍ സ്റ്റംപ് തെറിപ്പിച്ച് 'വലിയ സിഗ്നല്‍' നല്‍കി ഷമി, വീഡിയോ

Cricket

'ഗില്‍ ഓവർറേറ്റഡെന്ന് പണ്ടേ പറഞ്ഞിട്ടുള്ളതാണ്, എന്നിട്ടും അവസരങ്ങള്‍ ലഭിക്കുന്നു'; തുറന്നടിച്ച് മുന്‍താരം

Cricket

സഞ്ജുവിന് തിരിച്ചടി; ചാമ്പ്യന്‍സ് ട്രോഫിക്കുള്ള ഇന്ത്യന്‍ ടീമില്‍ നിന്ന് തഴയപ്പെട്ടേക്കും