Get the latest news at
your fingertips!
Download our app now
LIVE TV
Search
ചാമ്പ്യന്‍സ് ട്രോഫിക്കും ഇംഗ്ലണ്ടിനെതിരായ ഏകദിന പരമ്പരയ്ക്കുമുള്ള ഇന്ത്യന്‍ ടീമിനെ പ്രഖ്യാപിച്ചിരിക്കുകയാണ്. രോഹിത് ശര്‍മ നയിക്കുന്ന ടീമില്‍ ഇതുവരെ ഏകദിനത്തില്‍ അരങ്ങേറ്റം കുറിച്ചിട്ടില്ലാത്ത യശസ്വി ജയ്സ്വാളിനേയും ഉള്‍പ്പെടുത്തിയിരുന്നു. ഈ തീരുമാനത്തില്‍ മാധ്യമങ്ങളുടെ ചോദ്യങ്ങള്‍ക്ക് മറുപടി നല്‍കിയിരിക്കുകയാണ് ക്യാപ്റ്റന്‍ രോഹിത് ശര്‍മ.
India's squad for the #ChampionsTrophy 2025 announced! 💪 💪
— BCCI (@BCCI) January 18, 2025
Drop in a message in the comments below 🔽 to cheer for #TeamIndia pic.twitter.com/eFyXkKSmcO
സമീപകാലത്ത് ടെസ്റ്റ്, ടി20 ഫോര്‍മാറ്റുകളിലെ തകര്‍പ്പന്‍ പ്രകടനം പരിഗണിച്ചാണ് താരത്തിന് ചാമ്പ്യന്‍സ് ട്രോഫിയില്‍ അവസരം നല്‍കാന്‍ ബിസിസിഐ തീരുമാനിച്ചതെന്നാണ് രോഹിത് പറയുന്നത്. ചാമ്പ്യന്‍സ് ട്രോഫിക്കുള്ള ഇന്ത്യന്‍ ടീമിനെ പ്രഖ്യാപിക്കുന്ന വേളയില്‍ ഒരു ഏകദിനം പോലും കളിച്ചിട്ടില്ലാത്ത ജയ്സ്വാളിനെ ടീമിലേക്ക് തിരഞ്ഞെടുത്തതിന്റെ കാരണവും ഇന്ത്യന്‍ ക്യാപ്റ്റന്‍ വെളിപ്പെടുത്തി.
'കഴിഞ്ഞ 6-8 മാസത്തെ പ്രകടനത്തിന്റെ അടിസ്ഥാനത്തിലാണ് ഞങ്ങള്‍ യശസ്വി ജയ്സ്വാളിനെ തിരഞ്ഞെടുത്തത്. ജയ്സ്വാള് ഒരു ഏകദിനം പോലും കളിച്ചിട്ടില്ല. പക്ഷേ അദ്ദേഹത്തിന്റെ ഫോമും കഴിവും കൊണ്ടാണ് ഞങ്ങള്‍ ടീമിലെടുത്തത്', രോഹിത് മാധ്യമങ്ങളോട് പറഞ്ഞു.
Rohit Sharma said "We have picked Yashasvi Jaiswal based on what he has done in the last 6-8 months - he has not played a single ODI but we have picked him because of the potential he has got". pic.twitter.com/FgZUsiedHX
— Johns. (@CricCrazyJohns) January 18, 2025
ഇംഗ്ലണ്ടിനെതിരായ മൂന്ന് മത്സരങ്ങളുടെ ഹോം പരമ്പരയിലും ജയ്സ്വാള് ടീമിന്റെ ഭാഗമാണ്. പരമ്പരയില്‍ താരം ടീം ഇന്ത്യയ്ക്ക് വേണ്ടിയുള്ള തന്റെ ഏകദിന അരങ്ങേറ്റം നടത്തും. തുടര്‍ന്ന് ദുബായില്‍ നടക്കുന്ന ചാമ്പ്യന്‍സ് ട്രോഫി 2025 ല്‍ പങ്കെടുക്കും.
ചാംപ്യൻസ് ട്രോഫിക്കും ഇംഗ്ലണ്ടിനെതിരായ ഏകദിന പരമ്പരയ്ക്കുമുള്ള ഇന്ത്യൻ ടീം: രോഹിത് ശർമ (ക്യാപ്റ്റൻ), ശുഭ്മൻ ഗിൽ (വൈസ് ക്യാപ്റ്റൻ), യശസ്വി ജയ്സ്വാൾ, വിരാട് കോഹ്‍‍ലി, ശ്രേയസ് അയ്യർ, റിഷഭ് പന്ത് (വിക്കറ്റ് കീപ്പർ), കെ എൽ രാഹുൽ (വിക്കറ്റ് കീപ്പർ), ഹാർദിക് പാണ്ഡ‍്യ, അക്സർ പട്ടേൽ, രവീന്ദ്ര ജഡേജ, വാഷിങ്ടൺ സുന്ദർ, കുൽദീപ് യാദവ്, ജസ്പ്രീത് ബുംമ്ര, മുഹമ്മദ് ഷമി, അർഷ്ദീപ് സിങ്.
Content Highlights: Rohit Sharma about Yashasvi Jaiswal's inclusion in Indian Squad for Champions Trophy
