Get the latest news at
your fingertips!
Download our app now
LIVE TV
Search
അടുത്ത മാസം നടക്കാനിരിക്കുന്ന ചാംപ്യൻസ് ട്രോഫി ക്രിക്കറ്റ് ടൂർണമെന്റിനുള്ള ഇന്ത്യന്‍ ടീമില്‍നിന്ന് മലയാളിതാരം സഞ്ജു സാംസണെ ഒഴിവാക്കിയതാണ് ക്രിക്കറ്റ് ലോകത്തിലെ പുതിയ വിവാദം. വിവാദം ബിസിസിഐയിൽ മാത്രമല്ല, സംസ്ഥാന ക്രിക്കറ്റ് അസോസിയേഷനായ കേരള ക്രിക്കറ്റ് അസോസിയേഷനിലും ചൂടുപിടിച്ചിട്ടുണ്ട്. എന്നാൽ വിവാദങ്ങൾക്ക് ചൂടുപിടിക്കുമ്പോഴും ഇംഗ്ലണ്ടിനെതിരായ ടി 20 പരമ്പരയ്‌ക്കൊരുങ്ങുകയാണ് സഞ്ജു. അഞ്ച് മത്സര പരമ്പരയിലെ ആദ്യ മത്സരം നാളെ രാത്രി 7ന് കൊൽക്കത്ത ഈഡൻ ഗാർഡൻസ് സ്റ്റേഡിയത്തിൽ നടക്കും.
ചാംപ്യൻസ് ട്രോഫി ടീമിൽനിന്ന് തഴയപ്പെട്ട സഞ്ജു സാംസണ് ഈ പരമ്പര നിർണായകമാകും. ചാംപ്യൻസ് ട്രോഫി ടീമിൽ മാറ്റം വരുത്താൻ ഫെബ്രുവരി 13 വരെ സമയമുള്ളതിനാൽ ട്വന്റി20 പരമ്പരയിൽ മികവ് തെളിയിച്ചാൽ സഞ്ജു ഉൾപ്പെടെയുള്ള താരങ്ങൾക്കു ടീമിലെത്താൻ വിദൂര സാധ്യതയുണ്ട്. ദക്ഷിണാഫ്രിക്കയ്ക്കെതിരെ ട്വന്റി20 പരമ്പരയിൽ രണ്ട് സെഞ്ചറി ഉൾപ്പെടെ നേടി തിളങ്ങിയ സഞ്ജു, ഇംഗ്ലണ്ടിനെതിരെയും ഓപ്പണറുടെ റോളിൽ കളിക്കുന്നുണ്ട്.
നേരത്തെ ചാമ്പ്യന്‍സ് ട്രോഫി ടീമില്‍ ഇടം നേടാൻ സഞ്ജുവിന് ഇനിയും അവസരമുണ്ടെന്ന തരത്തിലുള്ള റിപ്പോർട്ടുകൾ പുറത്ത് വന്നിരുന്നു. ബിസിസിഐ വൃത്തങ്ങളെ ഉദ്ധരിച്ച് തന്നെയാണ് ദേശീയ മാധ്യമങ്ങളടക്കം ഈ വാർത്ത റിപ്പോർട്ട് ചെയ്തിരുന്നത്. ഗംഭീറിന്റെ ചോയ്‌സായിരുന്ന സഞ്ജുവിനെ പൂർണ്ണമായി സെലക്ഷൻ കമ്മറ്റി തള്ളികളഞ്ഞിട്ടില്ലെന്നും മറ്റ് വഴികൾ ഇല്ലാത്തത് കൊണ്ട് മാത്രമാണ് പന്തിന് അവസരം നൽകിയതെന്നും റിപ്പോർട്ട് പറയുന്നു.
ടീമിന്റെ ബാറ്റര്‍മാര്‍ക്കോ വിക്കറ്റ് കീപ്പര്‍ക്കോ പരിക്കേറ്റാല്‍ ആദ്യം പരിഗണിക്കുക സഞ്ജുവിനെയായിരിക്കുമെന്നും ഇനി പരിക്കേറ്റില്ലെങ്കിൽ പോലും ഏതെങ്കിലും ബാറ്റർമാർ മോശം ഫോമിലെത്തിയാല്‍ സഞ്ജുവിനെ പരിഗണിക്കുമെന്നും റിപ്പോർട്ടുണ്ട്. നേരത്തെ ചാംപ്യൻസ് ട്രോഫിയിലും പല സാഹചര്യങ്ങളുടെ പേരിൽ പല താരങ്ങളും പരമ്പരയ്ക്കിടെ ജോയിൻ ചെയ്തിരുന്നു. നീണ്ട ടൂർണമെന്റായത് കൊണ്ടുതന്നെ ചാമ്പ്യൻസ് ട്രോഫിയിലും ഇതിന് സാധ്യതകളുണ്ട്.
ബിസിസിഐയുടെ പുതിയ പോളിസി പ്രകാരം താരങ്ങൾ ഫോമിലല്ലെങ്കിൽ കൂടുതൽ മത്സരങ്ങളില്‍ വെച്ചുപൊറുപ്പിക്കാനും സാധ്യതയില്ല. ഇതും സഞ്ജുവിന് സാധ്യത കൂടുന്നു. ചില മുൻ താരങ്ങളുടെ പരിപൂർണ്ണ പിന്തുണയും താരത്തിനുണ്ട്. ഈ മാസം അവസാനം വരാനിരിക്കുന്ന ഇംഗ്ലണ്ടിനെതിരായ ടി 20 പരമ്പരയിൽ മികച്ച പ്രകടനം കാഴ്ച വെച്ചാൽ സഞ്ജുവിന് കൂടുതൽ അവകാശവാദം ഉന്നയിക്കാനാകും. മാത്രമല്ല, സഞ്ജുവിനെ തിരഞ്ഞെടുക്കാന്‍ ബിസിസിഐ സ്വയം നിർബന്ധിതരാകുന്ന സാഹചര്യത്തിലേക്കും കാര്യങ്ങള്‍ എത്തിയേക്കാം.
Content Highlights: Sanju samson still have chances; The T20 series against England is crucial
