Get the latest news at
your fingertips!
Download our app now
LIVE TV
Search
അന്താരാഷ്ട്ര ട്വന്റി 20 ലീഗിൽ ക്രിക്കറ്റിന്റെ മാന്യതയെ ഉയർത്തി സിംബാബ്‍വെ മുൻ താരം ആൻഡി ഫ്ലവർ. മുംബൈ ഇന്ത്യൻസ് എമിറേറ്റ്സും ഗൾഫ് ജയന്റ്സും തമ്മിലുള്ള മത്സരത്തിനിടെയാണ് ആവേശകരമായ സംഭവം. ഗൾഫ് ജയന്റ്സ് താരമായിരുന്ന ടോം കരൺ റൺസ് ഓടിയെടുത്ത ശേഷം തിരികെ ക്രീസിലെത്തി. തന്റെ ബാറ്റ് ക്രീസിൽ കുത്തിയ ശേഷം ഓവർ തീർന്നതിനാൽ ടോം കരൺ ക്രീസ് വിട്ടിറങ്ങി. ഈ സമയത്താണ് പന്ത് തിരികെ എം ഐ എമിറേറ്റ്സ് വിക്കറ്റ് കീപ്പർ നിക്കോളാസ് പുരാന്റെ കൈകളിലെത്തിയത്.
ക്രീസിൽ കരൺ ഇല്ലാതിരുന്നതോടെ പുരാൻ സ്റ്റമ്പ് ഇളക്കുകയും ഔട്ടിനായി അപ്പീൽ ചെയ്യുകയും ചെയ്തു. പിന്നാലെ മൂന്നാം അംപയറുടെ പരിശോധനയിൽ ടോം കരൺ ഔട്ട് എന്നാണ് വിധിച്ചത്. ഇതോടെ ഡഗ് ഔട്ടിലേക്ക് കരൺ മടങ്ങുകയും ചെയ്തു. ഈ സമയത്താണ് കരണിനെ തിരിച്ചുവിളിച്ച് നിക്കോളാസ് പുരാൻ ക്രിക്കറ്റിന്റെ മാന്യത ഉയർത്തിയത്. എം ഐ എമിറേറ്റ്സ് പരിശീലകൻ ആൻഡി ഫ്ലവറിന്റെ ആവശ്യപ്രകാരമാണ് പുരാൻ അപ്പീൽ പിൻവലിച്ചത്.
🚨 DRAMA IN THE ILT20...!!! 🚨
— Mufaddal Vohra (@mufaddal_vohra) January 26, 2025
- Curran was roaming without over being called.
- Nicholas Pooran ran out Tom Curran.
- 3rd Umpire gives it out.
- Curran walks to the pavilion.
- Curran called back to play again. pic.twitter.com/cjfheHODFx
ഓവർ തീർന്ന സാഹചര്യത്തിലാണ് കരൺ ക്രീസ് വിട്ട് ഇറങ്ങിയതെന്ന കാര്യം പരിഗണിച്ചാണ് താരത്തിന് ബാറ്റിങ് തുടരാൻ എതിരാളികൾ സമ്മതം നൽകിയത്. മത്സരത്തിൽ ഗൾഫ് ജയന്റ്സ് രണ്ട് വിക്കറ്റ് നഷ്ടത്തിൽ വിജയിക്കുകയും ചെയ്തു. ആദ്യം ബാറ്റ് ചെയ്ത എം ഐ എമിറേറ്റ്സ് 20 ഓവറിൽ ആറ് വിക്കറ്റ് നഷ്ടത്തിൽ 151 റൺസെടുത്തു. 20 ഓവറിൽ എട്ട് വിക്കറ്റ് നഷ്ടത്തിലാണ് ഗൾഫ് ജയന്റ്സ് ലക്ഷ്യം മറികടന്നത്.
Content Highlights: Tom Curran survives despite given run out as MI Emirates coach shows spirit of cricket
