Get the latest news at
your fingertips!
Download our app now
LIVE TV
Search
റെയിൽവേസിനെതിരായ ഡൽഹിയുടെ അവസാന രഞ്ജി ട്രോഫി ലീഗ് മത്സരത്തിനുള്ള ടീമിൽ വിരാട് കോഹ്‌ലിയെ ഉൾപ്പെടുത്തി. ആയുഷ് ബദോനി നയിക്കുന്ന ടീമിൽ റിഷഭ് പന്ത് കളിക്കില്ല. കോഹ്‌ലിയെ ഉൾപ്പെടുത്തിയതല്ലാതെ ഡൽഹി ടീമിൽ കാര്യമായ മാറ്റങ്ങളൊന്നുമില്ല. കഴിഞ്ഞ മത്സരത്തിലെ രണ്ട് ഇന്നിങ്സിലും പന്ത് പരാജയപ്പെട്ടിരുന്നു.
നീണ്ട 12 വർഷത്തിന് ശേഷം രഞ്ജിയിൽ തിരിച്ചെത്തുന്ന കോഹ്‌ലി ജനുവരി 28 മുതൽ അരുൺ ജെയ്റ്റ്‌ലി സ്റ്റേഡിയത്തിൽ ഡൽഹി ടീമിനൊപ്പം പരിശീലനം ആരംഭിക്കും.നേരത്തെ, ആഭ്യന്തര ക്രിക്കറ്റിലേക്കുള്ള തിരിച്ചുവരവിന് മുന്നോടിയായി താരം മുൻ ഇന്ത്യൻ ബാറ്റിംഗ് കോച്ച് സഞ്ജയ് ബംഗാറിനൊപ്പം മുംബൈയിൽ പരിശീലനം നടത്തിയിരുന്നു.
ബോർഡർ-ഗവാസ്‌കർ ട്രോഫിയിൽ 9 ഇന്നിംഗ്‌സുകളിൽ 190 റൺസ് മാത്രമാണ് കോഹ്‌ലി നേടിയത്. ഇതിന് പിന്നാലെ താരം വിമർശനം നേരിട്ടിരുന്നു. നേരത്തെ ദേശീയ ടീമിലെ സഹപ്രവർത്തകരായ രോഹിത് ശർമ, യശസ്വി ജയ്‌സ്വാൾ, ശുഭ്മാൻ ഗിൽ, രവീന്ദ്ര ജഡേജ എന്നിവരും കഴിഞ്ഞ ദിവസം രഞ്ജിയിൽ കളിച്ചിരുന്നു. ഇതിൽ ജഡേജ, ഗിൽ എന്നിവർക്ക് മാത്രമാണ് തിളങ്ങാനായത്.
Content Highlights: virat kohli in in delhi ranji team against railways, rishab pant out
