LIVE TV
രഞ്ജി ട്രോഫിയിലെ റെയിൽവേസിനെതിരായ ഡൽഹിയുടെ ഹോം മത്സരത്തിന് മുന്നോടിയായി ഇന്നലെ അരുൺ ജെയ്റ്റ്ലി സ്റ്റേഡിയത്തിൽ നടന്ന പരിശീലന സെഷനിൽ ഇന്ത്യയുടെ സൂപ്പർ താരം വിരാട് കോഹ്‌ലിയായിരുന്നു മുഖ്യ ആകർഷണ കേന്ദ്രം. നീണ്ട 12 വർഷങ്ങൾക്ക് ശേഷം രഞ്ജിയിൽ തിരിച്ചെത്തുന്ന താരത്തെ കാണാൻ ആരാധകരും സ്റ്റേഡിയത്തിൽ തടിച്ചുകൂടിയിരുന്നു. ഇതിൽ കുട്ടികളും മുതിർന്നവരുമുണ്ടായിരുന്നു. ഇതിൽ ഒരു കുട്ടി വിരാട് കോഹ്‌ലിയോട് ചോദിച്ച ചോദ്യവും അതിന് താരം നൽകിയ ഉത്തരവുമാണ് ഇപ്പോൾ സോഷ്യൽ മീഡിയയിൽ വൈറലായി കൊണ്ടിരിക്കുന്നത്.
കോഹ്ലിയുടെ ബാല്യകാല സുഹൃത്തിൻ്റെ മകൻ കൂടിയായ ആ കുട്ടി 'ഒരു ഇന്ത്യൻ ക്രിക്കറ്ററാകാൻ ഒരാൾ എന്താണ് ചെയ്യേണ്ടത്' എന്ന ചോദ്യമാണ് ചോദിച്ചത്. കഠിനാധ്വാനം ചെയ്യുക, എപ്പോഴും കളിക്കുന്നത് ആസ്വദിക്കുക എന്നതായിരുന്നു കോഹ്ലിയുടെ മറുപടി. ' വളരെയധികം കഠിനാധ്വാനം ചെയ്യേണ്ടതുണ്ട്, പരിശീലനത്തിന് പോകാൻ നിങ്ങളുടെ അച്ഛൻ നിങ്ങളോട് ആവശ്യപ്പെടേണ്ട സാഹചര്യം ഉണ്ടാവരുത്. നിങ്ങൾ തന്നെ നേരത്തെ എഴുന്നേറ്റ് 'എനിക്ക് പരിശീലനത്തിന് പോകണം' എന്ന് പറയണം. ഒപ്പം ആരെങ്കിലും ഒരു മണിക്കൂർ പ്രാക്ടീസ് ചെയ്യുന്നുവെങ്കിൽ, നിങ്ങൾ രണ്ടു മണിക്കൂർ പ്രാക്ടീസ് ചെയ്യണം' കോഹ്ലി ഉപദേശിച്ചു.
VIRAT KOHLI AFTER 12 LONG YEARS IN DELHI RANJI JERSEY. 🐐 pic.twitter.com/heH0ukhrTQ
— Mufaddal Vohra (@mufaddal_vohra) January 28, 2025
അതേ സമയം നീണ്ട 12 വർഷങ്ങൾക്ക് ശേഷം ഒരു രഞ്ജി മത്സരം കളിക്കാനെത്തുന്ന വിരാട് കോഹ്‌ലിയെ വരവേൽക്കാൻ യുദ്ധകാലാടിസ്ഥാനത്തിലാണ് ഡൽഹി അരുൺ ജെയ്റ്റ്ലി സ്റ്റേഡിയത്തിൽ നവീകരണങ്ങൾ പുരോഗമിക്കുന്നത്. ഇന്നലെ ജെറ്റ് ബ്ലാക്ക് നിറത്തിലുള്ള തന്റെ പോർഷെ കാറിൽ പരിശീലനത്തിനെത്തിയ താരത്തെ സഹ താരങ്ങൾ ആദരവോടെയാണ് സ്വീകരിച്ചത്. പലർക്കും ഇത് ‘ഫാൻ ബോയ് മൊമന്റ്’ ആയിരുന്നു എന്നതാണ് വാസ്തവം.
കോഹ്ലി വരുന്നത് കണ്ട് നെറ്റ്സിൽ നിന്നും ക്യാപ്റ്റൻ ബദോനി മാറിനിന്ന സംഭവവും ഉണ്ടായി. എന്നാൽ ക്യാപ്റ്റൻ ബദോനിയോട് ബാറ്റിങ് തുടരാൻ ആവശ്യപ്പെട്ട കോഹ്ലി ബദോനിയുടെ ഊഴം കഴി‍ഞ്ഞതിന് ശേഷം ത്രോ ഡൗൺ സ്പെഷ്യലിസ്റ്റുകളെയാണ് നേരിട്ടു. താരത്തിന്റെ
പരിശീലനം കാണാനും ഇന്നലെ ആരാധകരേറെയായിരുന്നു. നാളെയാണ് മത്സരത്തിനു തുടക്കം.
VIRAT KOHLI AND FAN BETWEEN CONVERSATION. 🐐
— Cric Rock (@Omkarugale2811) January 28, 2025
-King, Remarks...!!! 🤷🏻#ViratKohli𓃵 #ViratKohli #INDvsENG #RanjiTrophy pic.twitter.com/qmEvixQ1fn
ക്യാപ്റ്റൻസി ഏറ്റെടുക്കുന്നില്ലെന്ന് കോഹ്ലി വ്യക്തമാക്കിയതോടെ യുവതാരം ആയുഷ് ബദോനി തന്നെയാണ് ഡൽഹിയെ നയിക്കുക. കോഹ്ലി കളിക്കും എന്നുറപ്പായതോടെ ഡൽഹി–റയിൽവേസ് മത്സരം ലൈവ് സ്ട്രീം ചെയ്യാ‍ൻ ബിസിസിഐയും ജിയോ സിനിമയും തമ്മിൽ ധാരണയായി.
കഴിഞ്ഞ സീരീസുകളിലെല്ലാം റൺസ് കണ്ടെത്താൻ കഴിയാതെ വലഞ്ഞ സീനിയർ താരങ്ങളോട് രഞ്ജി മത്സരങ്ങൾ കളിക്കാൻ കർശനമായി കോച്ച് ഗൗതം ഗംഭീറും ബിസിസിഐയും ആവശ്യപ്പെട്ടിരുന്നു. അതിന്റെ ഭാഗമായി സീനിയർ താരങ്ങളായ രോഹിതും ജഡേജയുമടക്കമുള്ളവർ കഴിഞ്ഞ മത്സരങ്ങളിൽ കളിക്കാനിറങ്ങിയിരുന്നു.
ബോർഡർ ഗാവസ്കർ ട്രോഫിൽ 9 ഇന്നിങ്സുകളിലായി 190 റൺസ് മാത്രമാണ് വിരാട് കോഹ്ലിക്ക് നേടാൻ കഴിഞ്ഞിരുന്നത്. ഇതോടെ വിരാടിന്റെ ടീമിലെ സ്ഥാനം വരെ ചോദ്യം ചെയ്യപ്പെട്ടിരുന്നു. ഓഫ് സ്റ്റംപിന് പുറത്തുപോവുന്ന പന്തുകളിൽ സ്ഥിരമായി ബാറ്റ് വെച്ച് വിക്കറ്റ് കീപ്പർക്കോ സ്ലിപ്പിലോേ ക്യാച്ച് നൽകുന്ന വിരാടിനെയാണ് സമീപകാലക്രിക്കറ്റിൽ കാണാൻ കഴിയുന്നത്. ഓസ്‌ട്രേലിയയ്‌ക്കെതിരായ ബോര്‍ഡര്‍ ഗാവസ്‌കര്‍ ടെസ്റ്റ് പരമ്പരയില്‍ മോശം പ്രകടനം പുറത്തെടുത്തതിന് പിന്നാലെ ഏറെ വിമര്‍ശനങ്ങളും പരിഹാസങ്ങളും നേരിടുന്ന കോഹ്ലിക്ക് ഇംഗ്ലണ്ട് പര്യടനത്തിലൂടെ മികച്ച പ്രകടനം പുറത്തെടുക്കേണ്ടത് അത്യാവശ്യമാണ്. ഇതിന് മുന്നോടിയാണ് രഞ്ജിയിൽ കളിക്കാനിറങ്ങുന്നത്.
Content Highlights: Virat Kohli's advice after kid asks how to represent Team India
