Get the latest news at
your fingertips!
Download our app now
LIVE TV
Search
ട്വന്റി 20 ക്രിക്കറ്റില്‍ ചരിത്രനേട്ടം സ്വന്തമാക്കി അഫ്ഗാന്റെ സ്പിന്‍ മാന്ത്രികന്‍ റാഷിദ് ഖാന്. ടി20 ക്രിക്കറ്റില്‍ ഏറ്റവും കൂടുതല്‍ വിക്കറ്റ് നേടുന്ന ബൗളറെന്ന ബഹുമതിയാണ് റാഷിദ് സ്വന്തം പേരിലെഴുതിച്ചേര്‍ത്തത്. വെസ്റ്റ് ഇന്‍ഡീസ് ഇതിഹാസം ഡ്വെയ്ന്‍ ബ്രാവോയുടെ റെക്കോര്‍ഡ് പഴങ്കഥയാക്കിയാണ് 26കാരനായ റാഷിദ് ഖാന്റെ മുന്നേറ്റം.
Rashid Khan is Now the leading wicket taker in T20 Cricket 🙌🔥 pic.twitter.com/klO8NSs4Ba
— Sanan Arshad (@Sanan_Here) February 5, 2025
632 വിക്കറ്റുകള്‍ വീഴ്ത്തിയാണ് റാഷിദ് ഖാന് റെക്കോര്‍ഡില്‍ ഒന്നാമനായത്. എസ്എ20 ലീഗില്‍ പാള്‍ റോയല്‍സിനെതിരായ മത്സരത്തില്‍ എംഐ കേപ്ടൗണിന് വേണ്ടി ഒരു വിക്കറ്റ് വീഴ്ത്തിയാണ് നാഴികക്കല്ലിലെത്തിയത്. മത്സരത്തില്‍ നാല് ഓവറുകള്‍ പന്തെറിഞ്ഞ റാഷിദ് 33 റണ്‍സ് വിട്ടുകൊടുത്ത് രണ്ട് വിക്കറ്റുകള്‍ വീഴ്ത്തി. ഇതോടെ റാഷിദിന്റെ വിക്കറ്റ് നേട്ടം 633 ആയി ഉയര്‍ന്നു.
461 ടി20 മത്സരങ്ങളില്‍ നിന്നാണ് റാഷിദ് 633 വിക്കറ്റുകള്‍ വീഴ്ത്തിയത്. 582 മത്സരങ്ങളില്‍ നിന്ന് 546 ഇന്നിങ്സുകള്‍ പന്തെറിഞ്ഞാണ് ബ്രാവോ 631 വിക്കറ്റ് നേട്ടത്തിലെത്തിയത്. എന്നാല്‍ ഇതേ നാഴികക്കല്ലിനൊപ്പമെത്താന്‍ റാഷിദിന് വേണ്ടിവന്നത് 460 മത്സരങ്ങളും 456 ഇന്നിങ്സുകളുമായിരുന്നു. ഇന്ത്യന്‍ പ്രീമിയര്‍ ലീഗ്, ബിഗ് ബാഷ് ലീഗ്, പാകിസ്താന്‍ സൂപ്പര്‍ ലീഗ്, മേജര്‍ ലീഗ് ക്രിക്കറ്റ്, എസ്എ20 എന്നിങ്ങനെ ലോകമെമ്പാടുമുള്ള ലീഗുകളില്‍ വ്യത്യസ്ത ടീമുകളുടെ നിര്‍ണായക താരമാണ് റാഷിദ് ഖാന്.
Content Highlights: Rashid Khan becomes highest wicket-taker in T20s, breaks Dwayne Bravo’s record
