ചാംപ്യൻസ് ട്രോഫിയിൽ ഇം​ഗ്ലീഷ് റൂട്ട് തെളിഞ്ഞില്ല; അഫ്ഗാനിസ്ഥാന് ആവേശ ജയം

ഐസിസി ചാംപ്യൻസ് ട്രോഫി ഏകദിന ക്രിക്കറ്റ് ടൂർണമെന്റിൽ ആദ്യ വിജയവുമായി അഫ്​ഗാനിസ്ഥാൻ. അവസാന ഓവർ വരെ നീണ്ടുനിന്ന ആവേശകരമായ പോരാട്ടത്തിനൊടുവിൽ ഇം​ഗ്ലണ്ടിനെ എട്ട് റൺസിന് അഫ്​ഗാൻ പരാജയപ്പെടുത്തി. മത്സരത്തിൽ ആദ്യം ബാറ്റ് ചെയ്ത അഫ്ഗാനിസ്ഥാൻ നിശ്ചിത 50 ഓവറിൽ ഏഴ് വിക്കറ്റ് നഷ്ടത്തിൽ 325 റൺസെടുത്തു. മറുപടി പറഞ്ഞ ഇം​ഗ്ലണ്ട് 49.5 ഓവറിൽ 317 റൺസിൽ എല്ലാവരും പുറത്തായി.

നേരത്തെ ഇബ്രാഹിം സദ്രാന്റെ പോരാട്ടമാണ് അഫ്​ഗാനിസ്ഥാനെ മികച്ച സ്കോറിലെത്തിച്ചത്. 146 പന്തുകൾ നേരിട്ട് 12 ഫോറും ആറ് സിക്സറും സഹിതം സദ്രാൻ 177 റൺസെടുത്തു. ഐസിസി ചാംപ്യൻസ് ട്രോഫി ഏകദിന ക്രിക്കറ്റ് ടൂർണമെന്റിലെ ഏക്കാലത്തെയും ഉയർന്ന വ്യക്തി​ഗത സ്കോർ കൂടിയാണിത്. ഫെബ്രുവരി 22ന് ഇം​ഗ്ലണ്ടിന്റെ ബെൻ ഡക്കറ്റ് ഓസ്ട്രേലിയയ്ക്കെതിരെ അടിച്ചെടുത്ത 165 റൺസാണ് പഴങ്കഥയായത്. ചാംപ്യൻസ് ട്രോഫിയിൽ അഫ്​ഗാനായി ആദ്യ സെഞ്ച്വറി നേടുന്ന താരം, ഏകദിന ക്രിക്കറ്റിൽ അഫ്​ഗാനായി ഏറ്റവും ഉയർന്ന സ്കോർ നേടുന്ന താരം എന്നീ നേട്ടങ്ങളും സദ്രാൻ സ്വന്തമാക്കി.

ക്യാപ്റ്റൻ ​ഹഷ്മത്തുള്ള ഷാഹിദി 40, അസ്മത്തുള്ള ഒമർസായി 41, മുഹമ്മദ് നബി 40 എന്നിവരാണ് അഫ്​ഗാൻ നിരയിൽ തിളങ്ങിയ മറ്റ് ബാറ്റർമാർ. ഒരു ഘട്ടത്തിൽ മൂന്നിന് 37 എന്ന നിലയിൽ തകർന്ന അഫ്​ഗാനിസ്ഥാനാണ് 326 എന്ന ലക്ഷ്യം മുന്നോട്ടുവെച്ചത്. ഓപണറായി ഇറങ്ങിയ ഇബ്രാഹിം സദ്രാൻ ആറാമനായാണ് പുറത്തായത്. നാലാം വിക്കറ്റിൽ ഷാഹിദിക്കൊപ്പം 103 റൺസും അഞ്ചാം വിക്കറ്റിൽ ഒമർസായിക്കൊപ്പം 72 റൺസും ആറാം വിക്കറ്റിൽ മുഹമ്മദ് നബിയ്ക്കൊപ്പം 111 റൺസും സദ്രാൻ കൂട്ടിച്ചേർത്തു. ഇം​ഗ്ലണ്ടിനായി ജൊഫ്ര ആർച്ചർ മൂന്ന് വിക്കറ്റ് വീഴ്ത്തി. രണ്ട് വിക്കറ്റുകൾ ലയാം ലിവിങ്സ്റ്റണും സ്വന്തമാക്കി.

മറുപടി പറഞ്ഞ ഇം​ഗ്ലണ്ട് ഒരു ഘട്ടത്തിൽ ബാറ്റിങ് തകർച്ച നേരിട്ടു. 12 റൺസുമായി ഫിൽ സോൾട്ടും ഒമ്പത് റൺസുമായി ജാമി സ്മിത്തും മടങ്ങുമ്പോൾ ഇം​ഗ്ലീഷ് സ്കോർ രണ്ടിന് 30 റൺസ് മാത്രം. നാലാമനായി ക്രീസിലെത്തിയ ജോ റൂട്ടാണ് പിന്നീട് ഇം​ഗ്ലീഷ് സ്കോർ ബോർഡ് നിയന്ത്രിച്ചത്. ഒരറ്റത്ത് വിക്കറ്റുകൾ കൊഴിയുമ്പോഴും റൂട്ട് പോരാട്ടം തുടർന്നു.

Also Read:

Cricket

ഡക്കറ്റിന്റെ റെക്കോർഡിന് ആയുസ് വെറും നാല് ദിവസം; ചാംപ്യൻസ് ട്രോഫിയിലെ ആ ഹീറോ ഇനി ഇബ്രാഹിം സദ്രാൻ

111 പന്തിൽ 11 ഫോറും ഒരു സിക്സറും സഹിതം 120 റൺസുമായി റൂട്ട് മടങ്ങുമ്പോൾ ഇം​ഗ്ലീഷ് സ്കോർ ഏഴിന് 287 റൺസിലെത്തി. ബെൻ ഡക്കറ്റ് 38, ഹാരി ബ്രൂക്ക് 25, ക്യാപ്റ്റൻ ജോസ് ബട്ലർ 38, ജാമി ഓവർടൺ 32, ജൊഫ്രാ ആർച്ചർ 14 എന്നിവരുടെ പ്രകടനങ്ങൾ ഇം​ഗ്ലണ്ടിനെ വിജയത്തിലേക്കെത്തിച്ചില്ല. അഫ്​ഗാനിസ്ഥാനായി അസ്മത്തുള്ള ഒമർസായി അഞ്ച് വിക്കറ്റെടുത്തു. മുഹമ്മദ് നബി രണ്ട് വിക്കറ്റുകൾ സ്വന്തമാക്കി. ഫസൽഹഖ് ഫാറൂഖി, റാഷിദ് ഖാൻ, ​ഗുലാബ്ദീൻ നയീബ് എന്നിവർ ഓരോ വിക്കറ്റുകളും നേടി.

Content Highlights: Afghanistan wins by 8 runs, knocks England out

Cricket

Cricket

'ഈ വിജയത്തിൽ ഒരു രാജ്യം സന്തോഷത്തിലാണ്, അഫ്ഗാൻ ടീം മുന്നോട്ട് നീങ്ങുകയാണ്': ഹസ്മത്തുള്ള ഷാഹിദി

Cricket

ഓൾറൗണ്ട് പ്രകടനവുമായി നാറ്റ് സ്കിവർ; മുംബൈ ഇന്ത്യൻസിന് തകർപ്പൻ ജയം

Cricket

'അവസാന 10 ഓവറിൽ അഫ്​ഗാൻ നേടിയത് 113 റൺസ്, തോൽവിയിൽ നിരാശയുണ്ട്': ജോസ് ബട്ലർ

Cricket

തുടർച്ചയായി പരിക്കുകൾ അലട്ടുന്നു; വിരമിക്കൽ ആലോചിച്ച് പാകിസ്താൻ ഫഖർ സമാൻ: റിപ്പോർട്ട്