ഐസിസി ചാംപ്യൻസ് ട്രോഫി ടീം ഓഫ് ദ ടൂർണമെന്റ്: സാന്റനർ നായകൻ, രോഹിത് ശർമയ്ക്ക് ഇടമില്ല

ഐസിസി ചാംപ്യൻസ് ട്രോഫി ഏകദിന ക്രിക്കറ്റ് ടൂർണമെന്റ് അവസാനിച്ചതിന് പിന്നാലെ ടൂർണമെന്റിന്റെ ടീമിനെ പ്രഖ്യാപിച്ച് അന്താരാഷ്ട്ര ക്രിക്കറ്റ് കൗൺസിൽ. ടൂർണമെന്റ് ജേതാക്കളായ ഇന്ത്യൻ ടീം ക്യാപ്റ്റൻ രോഹിത് ശർമയ്ക്ക് ഐസിസിയുടെ ടൂർണമെന്റിന്റെ ടീമിൽ ഇടം പിടിക്കാനായില്ല. ചാംപ്യൻസ് ട്രോഫി റണ്ണേഴ്സ് അപ്പുകളായ ന്യൂസിലാൻഡ് ടീം നായകൻ മിച്ചൽ സാന്റനറെയാണ് ഐസിസിയുടെ ടൂർണമെന്റിന്റെ ടീമിൽ നായകനായത്.

ഇന്ത്യൻ ടീമിൽ ആറ് താരങ്ങൾ ഐസിസിയുടെ ചാംപ്യൻസ് ട്രോഫി ടൂർണമെന്റ് ടീമിൽ ഇടം പിടിച്ചു. സൂപ്പർതാരം വിരാട് കോഹ്‍ലി, ശ്രേയസ് അയ്യർ, കെ എൽ രാഹുൽ, മുഹമ്മദ് ഷമി, വരുൺ ചക്രവർത്തി എന്നിവർക്കൊപ്പം 12-ാമനായി അക്സർ പട്ടേലും ഐസിസി ടീമിൽ ഇടംപിടിച്ചു. നാല് താരങ്ങൾ ന്യൂസിലാൻഡിൽ നിന്നും ഐസിസി ഇലവനിലെത്തി. രണ്ട് താരങ്ങൾ അഫ്​ഗാനിസ്ഥാൻ ക്രിക്കറ്റിൽ നിന്നുമാണ് ഐസിസി ഇലവനിൽ ഇടം പിടിച്ചത്.

Also Read:

Cricket

ചാംപ്യൻസ് ട്രോഫിയുമായി ഇന്ത്യൻ ടീമിന്റെ പരേഡ് ഇല്ല; വിജയാഘോഷങ്ങളും ഒഴിവാക്കി

ന്യൂസിലാൻഡിന്റെ രചിൻ രവീന്ദ്രയും അഫ്​ഗാനിസ്ഥാന്റെ ഇബ്രാഹിം സദ്രാനുമാണ് ടൂർണമെന്റ് ടീമിൽ ഓപണർമാരായി എത്തുന്നത്. കെ എൽ രാഹുലാണ് വിക്കറ്റ് കീപ്പർ. ​ഗ്ലെൻ ഫിലിപ്സ്, അസമത്തുള്ള ഒമർസായി, മാറ്റ് ഹെൻ‍റി എന്നിവരാണ് ടൂർണമെന്റ് ടീമിൽ ഇടം പിടിച്ച മറ്റ് താരങ്ങൾ.

ഐസിസി ചാംപ്യൻസ് ട്രോഫി ടൂർണമെന്റ് ടീം:

1. രചിൻ രവീന്ദ്ര (ന്യൂസിലാൻഡ്) - 251 റൺസ് (62.75 ബാറ്റിങ് ശരാശരി), രണ്ട് സെഞ്ച്വറി
2. ഇബ്രാഹിം സദ്രാൻ (അഫ്​ഗാനിസ്ഥാൻ) - 216 റൺസ് (72 ബാറ്റിങ് ശരാശരി), ഒരു സെഞ്ച്വറി
3. വിരാട് കോഹ്‍ലി (ഇന്ത്യ) - 218 റൺസ് (54.5 ബാറ്റിങ് ശരാശരി), ഒരു സെഞ്ച്വറി
4. ശ്രേയസ് അയ്യർ (ഇന്ത്യ) - 243 റൺസ് (48.6 ബാറ്റിങ് ശരാശരി), രണ്ട് അർധ സെഞ്ച്വറി
5. കെ എൽ രാഹുൽ - വിക്കറ്റ് കീപ്പർ (ഇന്ത്യ) - 140 റൺസ് (140 ബാറ്റിങ് ശരാശരി), പുറത്താകാതെ 42 ഉയർന്ന സ്കോർ
6. ​ഗ്ലെൻ ഫിലിപ്സ് (ന്യൂസിലാൻഡ്) - 177 റൺസ് (59 ബാറ്റിങ് ശരാശരി), രണ്ട് വിക്കറ്റ്, അഞ്ച് ക്യാച്ചുകൾ
7. അസമത്തുള്ള ഒമർസായി (അഫ്​ഗാനിസ്ഥാൻ) - 126 റൺസ് (42 ബാറ്റിങ് ശരാശരി), ഏഴ് വിക്കറ്റുകൾ, ഒരു അഞ്ച് വിക്കറ്റ് നേട്ടം
8. മിച്ചൽ സാന്റനർ - ക്യാപ്റ്റൻ (ന്യൂസിലാൻഡ്) - ഒമ്പത് വിക്കറ്റുകൾ (26.6 ബൗളിങ് ശരാശരി), 4.80 എക്കണോമി
9. മുഹമ്മദ് ഷമി (ഇന്ത്യ) - ഒമ്പത് വിക്കറ്റുകൾ (25.8 ബൗളിങ് ശരാശരി), 5.68 എക്കണോമി, ഒരു അഞ്ച് വിക്കറ്റ് നേട്ടം
10. മാറ്റ് ഹെൻ‍റി (ന്യൂസിലാൻഡ്) - 10 വിക്കറ്റുകൾ (16.7 ബൗളിങ് ശരാശരി), 5.32 എക്കണോമി, ഒരു അഞ്ച് വിക്കറ്റ് നേട്ടം
11. വരുൺ ചക്രവർത്തി (ഇന്ത്യ) - ഒമ്പത് വിക്കറ്റുകൾ, (15.1 ബൗളിങ് ശരാശരി), 4.53 എക്കണോമി

Content Highlights: ICC Men’s Champions Trophy 2025 Team of the Tournament revealed

Cricket

Cricket

അവൻ ഇന്ത്യൻ ടീമിലെ 'നിശബ്ദനായ' ഹീറോ; ശ്രേയസ് അയ്യരെ പ്രശംസിച്ച് രോഹിത് ശർമ

Cricket

അമ്മയും വിരാടും പിന്നെ ചാംപ്യൻസ് ട്രോഫിയും, ഷമിയുടെ കിരീടനേട്ട ആഘോഷം ഇങ്ങനെ!; ഫോട്ടോ പങ്ക് വെച്ച് താരം

Cricket

ചാംപ്യൻസ് ട്രോഫിയുമായി ഇന്ത്യൻ ടീമിന്റെ പരേഡ് ഇല്ല; വിജയാഘോഷങ്ങളും ഒഴിവാക്കി

Cricket

'സോറി'യൊന്നും വേണ്ട, അവൻ തന്നെയാണ് മികച്ചവൻ!, ഫിലിപ്സിനു സർട്ടിഫിക്കറ്റുമായി സാക്ഷാൽ ജോണ്ടി റോഡ്സും രം​ഗത്ത്