Get the latest news at
your fingertips!
Download our app now
LIVE TV
Search
ഇന്ത്യൻ പ്രീമിയർ ലീഗ് ക്രിക്കറ്റ് ടൂർണമെന്റിന്റെ 18-ാം പതിപ്പിന് രണ്ട് ദിവസങ്ങൾ മാത്രമാണ് ബാക്കിയുള്ളത്. 17 വർഷങ്ങളിൽ നിരവധി താരങ്ങൾ ഐപിഎല്ലിൽ റൺവേട്ട നടത്തി. ഇതിൽ ഓപണിങ് പൊസിഷനിൽ മികവ് പുലർത്തിയ ചില താരങ്ങളെ നോക്കാം. ഇന്ത്യൻ മുൻ താരം ശിഖർ ധവാനാണ് ഐപിഎൽ ഓപണറായി റൺവേട്ട നടത്തിയവരുടെ പട്ടികയിൽ ഒന്നാമൻ.
ഡെക്കാൻ ചാർജേഴ്സ്, ഡൽഹി ക്യാപിറ്റൽസ്, പഞ്ചാബ് കിങ്സ്, മുംബൈ ഇന്ത്യൻസ്, സൺറൈസേഴ്സ് ഹൈദരാബാദ് തുടങ്ങിയ ടീമുകൾക്ക് വേണ്ടിയാണ് ധവാൻ കളിച്ചിട്ടുള്ളത്. ഐപിഎല്ലിൽ 6,362 റൺസാണ് ധവാന്റെ സാമ്പാദ്യം. ഓസ്ട്രേലിയൻ മുൻ ഇതിഹാസം ഡേവിഡ് വാർണറാണ് റൺവേട്ട നടത്തിയ ഓപണർമാരുടെ പട്ടികയിൽ രണ്ടാമൻ. 5,910 റൺസാണ് വാർണർ ഐപിഎല്ലിൽ അടിച്ചെടുത്തത്.
വെസ്റ്റ് ഇൻഡീസ് മുൻ ഇതിഹാസം ക്രിസ് ഗെയ്ലിലും ഐപിഎൽ ചരിത്രത്തിലെ മികച്ച ഓപണർമാരിൽ ഒരാളാണ്. കൊൽക്കത്ത നൈറ്റ് റൈഡേഴ്സ്, പഞ്ചാബ് കിങ്സ്, റോയൽ ചലഞ്ചേഴ്സ് ബെംഗളൂരു തുടങ്ങിയ ടീമുകൾക്കായി കളിച്ച ഗെയ്ൽ 4,480 റൺസ് നേടിയിട്ടുണ്ട്. ഇന്ത്യൻ ടീമിൽ മൂന്നാം നമ്പറിൽ കളിക്കുന്ന വിരാട് കോഹ്‍ലി ഐപിഎല്ലിൽ ഏറെക്കാലമായി ഓപണറുടെ റോളാണ് ചെയ്യുന്നത്. 4,352 റൺസ് ഓപണറായി മാത്രം കോഹ്‍ലി നേടിയിട്ടുണ്ട്.
ഇന്ത്യൻ നിരയിൽ വ്യത്യസ്ത റോളുകൾ ചെയ്യുന്ന കെ എൽ രാഹുൽ ഐപിഎല്ലിൽ കൂടുതൽ മത്സരങ്ങളിലും ഓപണറുടെ റോളിലാണ് എത്തിയത്. റോയൽ ചലഞ്ചേഴ്സ്, പഞ്ചാബ് കിങ്സ്, ലഖ്നൗ സൂപ്പർ ജയന്റ്സ് ടീമുകൾക്കായി രാഹുൽ കളിച്ചു. 4,183 റൺസ് രാഹുൽ ഓപണറായി അടിച്ചെടുത്തു.
Content Highlights: 5 Most Successful Openers In IPL History
