Get the latest news at
your fingertips!
Download our app now
LIVE TV
Search
ഇന്നത്തെ ചെന്നൈ സൂപ്പർ കിങ്സിനെതിരായ റോയല്‍ ചലഞ്ചേഴ്‌സ് ബെംഗളൂരുവിന്റെ ഹൈ വോൾട്ടേജ് പോരാട്ടത്തിൽ ഭുവനേശ്വര്‍ കുമാര്‍ കളിച്ചേക്കും. താരത്തിന് നിലവില്‍ പരിക്കുകളൊന്നുമില്ലെന്ന് ആര്‍സിബി മെന്റര്‍ ദിനേശ് കാര്‍ത്തിക് വ്യക്തമാക്കി. നെറ്റ്സിൽ താരം നന്നായി പന്തെറിഞ്ഞുവെന്നും ഇന്നത്തെ മത്സരത്തിൽ കളിപ്പിക്കുന്ന കാര്യം ആലോചനയിലുണ്ടെന്നും കാര്‍ത്തിക് കൂട്ടിച്ചേർത്തു.
കൊല്‍ക്കത്ത നൈറ്റ് റൈഡേഴ്‌സിനെതിരെ ആദ്യ മത്സരത്തില്‍ ഭുവി കളിച്ചിരുന്നില്ല. താരത്തിന് ഫിറ്റ്‌നെസ് പ്രശ്‌നങ്ങളുണ്ടെന്നായിരുന്നു റിപ്പോര്‍ട്ടുകള്‍. പകരം റാഷിദ് ദര്‍ ആയിരുന്നു ടീമിലെത്തിയിരുന്നത്. അതേ സമയം ഇന്ന് ചെന്നൈ ചെപ്പോക്കില്‍ വൈകിട്ട് ഏഴരയോടെയാണ് മത്സരം. എം എസ് ധോണിയും വിരാട് കോഹ്‌ലിയും നേർക്കുനേർ വരുന്ന പോരാട്ടം കൂടിയാണിത്.
ആദ്യ മത്സരം ജയിച്ചാണ് ഇരു ടീമുകളും എത്തുന്നത്. ചെന്നൈ മുംബൈ ഇന്ത്യൻസിനെ നാല് വിക്കറ്റിനാണ് തോൽപ്പിച്ചത്. രചിൻ രവീന്ദ്രയുടെയും റുതുരാജിന്റെയും അർധ സെഞ്ച്വറിയുടെ ബലത്തിലാണ് ചെന്നൈ ജയിച്ചത്. കൊൽക്കത്തയെ ഏഴുവിക്കറ്റിനാണ് ആർസിബി തോൽപ്പിച്ചിരുന്നത്. വിരാട് കോഹ്‌ലി, ഫിൽ സാൾട്ട് എന്നിവരുടെ അർധ സെഞ്ച്വറിയാണ് ആർസിബിയെ ജയിപ്പിച്ചത്.
Content Highlights: bhuvneshwar kumar will play ;CSK vs RCB IPL today
