LIVE TV
കശ്മീരിലെ പഹൽഗാമിൽ ഭീകരാക്രമണത്തിൽ ഇരയായവർക്ക് ആദരമർപ്പിച്ച് ഐപിഎൽ മത്സരത്തിന് മുന്നോടിയായി നടന്ന മൗനമാചരണത്തിൽ ഹാർദിക് പാണ്ഡ്യ അനാദരവ് കാട്ടിയെന്ന് ആരോപണം. മറ്റുള്ളവർ മൗനമായി ആദരമർപ്പിക്കുമ്പോൾ മുംബൈ ഇന്ത്യൻസ് നായകൻ ഹർദിക് പാണ്ഡ്യ അതൊന്നും ശ്രദ്ധിക്കാതെ അടുത്തു നിന്ന സഹ താരത്തോട് ചിരിച്ചു സംസാരിക്കുകയായിരുന്നു. ഇതിന്റെ വിഡിയോ പുറത്തു വന്നതോടെ മുംബൈ ക്യാപ്റ്റനെതിരെ വലിയ വിമർശനങ്ങളാണ് ഉയർന്നത്.
Hardik pandya This is how you behave on silance of 1 min for the people died in attack..
— vivek (@_vivek_pandit_) April 23, 2025
Keep talking and laughing.
Shameful yarr..
You can be good cricketer but not a good or responsible citizen of india.#PahalgamTerroristAttack pic.twitter.com/yPTZngYOJT
ഭീകരാക്രമണത്തിൽ മരിച്ചവർക്ക് ആദരമർപ്പിക്കുമ്പോൾ അതു ഗൗനിക്കാതെ സംസാരം തുടർന്ന ഹർദികിന്റെ പ്രവൃത്തി അപമാനകരമാണെന്നു ഒരു വിഭാഗം ആരാധകർ സമൂഹ മാധ്യമങ്ങളിൽ കുറിച്ചു. മത്സരത്തിൽ താരങ്ങൾ കറുത്ത ആംബാൻഡ് അണിഞ്ഞാണ് കളത്തിലെത്തിയത്.
മത്സരത്തിന് മുന്നോടിയായി ഒരു മിനിറ്റ് മൗനമാചരിച്ചാണ് മത്സരം തുടങ്ങിയത്. ടോസിനു പിന്നാലെ ആക്രമണത്തെ ഇരു ക്യാപ്റ്റൻമാർ അപലപിച്ചു. ആക്രമണത്തിൽ ജീവൻ നഷ്ടമായർക്ക് ആദരമർപ്പിക്കുകയും ചെയ്തു. മത്സരത്തിനു മുന്നോടിയായുള്ള വെടിക്കെട്ട്, ചിയർ ഗേൾസിന്റെ നൃത്തം, സംഗീതം, ഡിജെ എന്നിവയെല്ലാം ഒഴിവാക്കിയിരുന്നു.
Content Highlights: Hardik Pandya trolled for ‘talking’ during Pahalgam victims tribute
