Get the latest news at
your fingertips!
Download our app now
LIVE TV
Search
ഇന്ത്യന്‍ സൂപ്പര്‍ ലീഗില്‍ ഹൈദരാബാദ് എഫ്സിക്കെതിരെ ടീം ലൈനപ്പ് പ്രഖ്യാപിച്ച് കേരള ബ്ലാസ്റ്റേഴ്സ്. ബ്ലാസ്റ്റേഴ്സിന്റെ നിര്‍ണായക താരമായ നോഹ സദൗയി ടീമില്‍ തിരിച്ചെത്തി. പരിക്ക് കാരണം കഴിഞ്ഞ രണ്ട് മത്സരങ്ങളില്‍ ഇല്ലാതിരുന്ന താരം ഇന്ന് ബെഞ്ചില്‍ എത്തിയിട്ടുണ്ട്. കൊച്ചി കലൂര്‍ സ്റ്റേഡിയത്തിലാണ് മത്സരം.
സൂപ്പര്‍ താരം അഡ്രിയാന്‍ ലൂണയാണ് ഹൈദരാബാദിനെതിരെ ബ്ലാസ്റ്റേഴ്‌സിനെ നയിക്കുന്നത്. സോം കുമാര്‍ തന്നെയാണ് ഇന്നും ബ്ലാസ്റ്റേഴ്സിന്റെ വല കാക്കുന്നത്. കഴിഞ്ഞ മത്സരത്തില്‍ റെഡ് കാര്‍ഡ് കിട്ടി സസ്‌പെന്‍ഷനിലായ സൂപ്പര്‍ സ്‌ട്രൈക്കര്‍ ക്വാമെ പെപ്ര ഇന്ന് പുറത്തിരിക്കും.
നവോച സിങ്, സന്ദീപ് സിങ്, ഹോര്‍മിപാം, മിലോസ് ഡ്രിന്‍സിച് എന്നിവര്‍ പ്രതിരോധം കാക്കാന്‍ ഇറങ്ങും. മലയാളി താരം വിപിന്‍ മോഹനനും അലക്സാണ്ടര്‍ കോഫുമാണ് മധ്യനിരയില്‍. ലൂണയും കോറോ സിങ്, ജീസസ് ജിമിനസും ഐമനും മുന്നേറ്റനിരയില്‍ ഉണ്ട്.
കേരള ബ്ലാസ്റ്റേഴ്സ് പ്ലേയിങ് ഇലവന്‍: സോം കുമാര്‍, നവോച്ച സിങ്, ഡ്രിന്‍സിച് മിലോസ്, ഹോര്‍മിപാം, സന്ദീപ് സിങ്, അലക്സാണ്ടര്‍ കോഫ്, വിബിന്‍ മോഹനന്‍, അഡ്രിയാന്‍ ലൂണ, കോറോ സിങ്, ഐമന്‍, ജീസസ് ജിമിനസ്.
Content Highlights: ISL: Kerala Blasters Announce Playing eleven against Hyderabad FC
