Get the latest news at
your fingertips!
Download our app now
LIVE TV
Search
യുവേഫ ചാംപ്യന്‍സ് ലീഗില്‍ ക്വാര്‍ട്ടര്‍ ഫൈനലിലേക്ക് മുന്നേറി ബാഴ്സലോണ. ഇന്ന് നടന്ന പ്രീക്വാര്‍ട്ടര്‍ രണ്ടാം പാദം മത്സരത്തില്‍ ബെനഫിക്കയെ ഒന്നിനെതിരെ മൂന്നു ഗോളുകള്‍ക്ക് വീഴ്ത്തിയാണ് ബാഴ്സ ക്വാര്‍ട്ടര്‍ ഉറപ്പിച്ചത്. നേരത്തെ പോര്‍ച്ചുഗലില്‍ നടന്ന ആദ്യ പാദത്തില്‍ 1-0 എന്ന സ്‌കോറിന് ബെനഫിക്ക വിജയിച്ചിരുന്നു. ഇതോടെ 4-1 എന്ന സ്‌കോറിനാണ് ബാഴ്‌സയുടെ വിജയം.
⭐️ FULL TIME! ⭐️@CHAMPIONSLEAGUE QUARTERFINALISTS! pic.twitter.com/S12fj7N8uk
— FC Barcelona (@FCBarcelona) March 11, 2025
ഹോം ഗ്രൗണ്ടിൽ നടന്ന പോരാട്ടത്തിൽ മികച്ച തുടക്കമാണ് ബാഴ്സയ്ക്ക് ലഭിച്ചത്. മത്സരത്തിന്റെ 10-ാം മിനിറ്റിൽ തന്നെ റാഫീഞ്ഞയിലൂടെ ബാഴ്സലോണ ലീഡ് നേടി. ലാമിൻ യമാലാണ് മനോഹരമായ അസിസ്റ്റിൽ നിന്നാണ് ഈ ഗോൾ പിറന്നത്.
തൊട്ടുപിന്നാലെ തന്നെ തിരിച്ചടിക്കാൻ ബെനഫിക്കയ്ക്ക് സാധിച്ചു. 13-ാം മിനിറ്റിൽ ഒരു കോർണറിലൂടെ നിക്കോളാസ് ഒറ്റമെൻഡിയാണ് ബെനഫിക്കയ്ക്ക് വേണ്ടി മത്സരത്തിലെ സമനില ഗോൾ നേടിയത്. എന്നാൽ അധികം വൈകാതെ തന്നെ ബാഴ്സലോണ ലീഡ് തരികെ പിടിച്ചു. 27-ാം മിനിറ്റിൽ യമാലാണ് ആതിഥേയരെ മുന്നിലെത്തിച്ചത്. ഒരു ഇടം കാലൻ ലോങ്ങ് റേഞ്ചറിലൂടെ മനോഹരമായാണ് യമാൽ വലകുലുക്കിയത്.
42-ാം മിനിറ്റിൽ റാഫീഞ്ഞ തന്റെ രണ്ടാം ഗോളും കണ്ടെത്തി. ഇതോടെ ബാഴ്സലോണ 3-0-ന് മുന്നിലെത്തി. രണ്ടാം പകുതിയിൽ ആരും ഗോളടിച്ചില്ല. ഇതോടെ 4-1 എന്ന അഗ്രിഗേറ്റ് സ്കോറിൽ ബാഴ്സ ക്വാർട്ടർ ഉറപ്പിച്ചു.
Content Highlights: Champions League: Raphinha, Yamal shine as Barcelona cruise into quarters
