Get the latest news at
your fingertips!
Download our app now
LIVE TV
Search
കോപ്പ ഡെൽ റെ ഫുട്ബോൾ ഫൈനലിൽ റയൽ മാഡ്രിഡിനെ പരാജയപ്പെടുത്തിയതിന് പിന്നാലെ പ്രതികരണവുമായി ബാഴ്സലോണ താരം ലമീൻ യമാൽ. 'മത്സരത്തിൽ റയൽ ഒരു ഗോൾ കൂടി നേടിയിരുന്നെങ്കിൽ ഒരു പ്രശ്നവുമില്ലായിരുന്നു. രണ്ട് ഗോൾ നേടിയാലും പ്രശ്നമില്ലായിരുന്നു. ഈ വർഷം റയൽ മാഡ്രിഡിന് ബാഴ്സയെ തോൽപ്പിക്കാൻ കഴിയില്ല. ഇക്കാര്യം ഞങ്ങൾ തെളിയിച്ചുകഴിഞ്ഞു. അതിൽ ഞാൻ ഏറെ സന്തോഷവാനാണ്.' ലമീൻ യമാൽ പ്രതികരിച്ചു.
ചിരവൈരികളായ റയൽ മാഡ്രിഡിനെ 3-2 എന്ന സ്കോറിന് പരാജയപ്പെടുത്തിയാണ് എഫ് സി ബാഴ്സലോണ 32-ാം കോപ്പ ഡെൽ റേ കിരീടം സ്വന്തമാക്കിയത്. സ്പെയ്നിലെ സെവിയയ്യിൽ നടന്ന പോരാട്ടത്തിന്റെ നിശ്ചിത 90 മിനിറ്റുകൾ അവസാനിക്കുമ്പോൾ ഇരുടീമുകളും രണ്ട് ഗോളുകൾ വീതം നേടി സമനില പാലിച്ചു. ഇതോടെ എക്സ്ട്രാ ടൈമിലേക്ക് കടന്ന മത്സരത്തിന്റെ 116-ാം മിനിറ്റിൽ ജുല്‍സ് കുന്‍ഡെ ബാഴ്സയ്ക്കായി വലകുലുക്കി. പെഡ്രി, ഫെറാൻ ടോറസ് എന്നിവർ ബാഴ്സയ്ക്കായി ആദ്യ രണ്ട് ഗോളുകൾ വലയിലെത്തിച്ചു. കിലിയൻ എംബാപ്പെയും ഒറേലിയാന്‍ ച്യുവമേനിയുമാണ് റയലിനായി ഗോളുകൾ നേടിയത്.
ഈ സീസണിൽ ഇത് മൂന്നാം തവണയാണ് ബാഴ്സലോണ റയൽ മാഡ്രിഡിനെ പരാജയപ്പെടുത്തുന്നത്. മുമ്പ് ലാ ലീഗയിലും സൂപ്പർ കോപ്പ ഫൈനലിലും ബാഴ്സലോണ റയൽ മാഡ്രിഡിനെ പരാജയപ്പെടുത്തിയിരുന്നു. മെയ് 11ന് ലാ ലീഗ രണ്ടാം ഘട്ടത്തിൽ ബാഴ്സ വീണ്ടും റയലിനെ നേരിടും.
Content Highlights: This year, they simply can’t beat us: Lamine Yamal
