Get the latest news at
your fingertips!
Download our app now
LIVE TV
Search
മുംബൈ: താനെയിലെ മാളിൽ മാംഗോ ജ്യൂസ് ഓർഡർ ചെയ്തപ്പോൾ ഗ്ലാസിനും പണം ഈടാക്കിയെന്ന യുവാവിന്റെ റെഡ്ഡിറ്റ് പോസ്റ്റ് എക്സ് പ്ലാറ്റ്ഫോമിൽ റീഷെയർ ചെയ്തത് വൈറലാകുന്നു. പോസ്റ്റിനൊപ്പം പങ്കുവെച്ചിരിക്കുന്ന ബില്ലിൽ മാംഗോ ജ്യൂസ് നൽകിയ പ്ലാസ്റ്റിക് ഗ്ലാസിന് 40 രൂപവെച്ച് ചാർജ്ജ് ഈടാക്കിയതായാണ് കാണിച്ചിരിക്കുന്നത്. മൂന്ന് മാംഗോ ജ്യൂസ് ഓർഡർ ചെയ്ത യുവാവിന് ഗ്ലാസിന് മാത്രം 120 രൂപയാണ് ഈടാക്കിയിരിക്കുന്നത്. ഗ്ലാസിൻ്റെ ചാർജ്ജിന് പുറമെ ടാക്സ് കൂടാതെ 750 രൂപയാണ് മാംഗോ ജ്യൂസിനായി ഈടാക്കിയിരിക്കുന്നത്. ടാക്സിൻ്റെയും ഗ്ലാസിൻ്റെയും തുക അടക്കം മൂന്ന് മാംഗോ ജ്യൂസിനായി ആകെ 914 രൂപ ഈടാക്കിയതായാണ് ബില്ലിൽ വ്യക്തമാകുന്നത്.
താനെയിലെ വിവിയാന മാളിലെ ഷാഹി ദർബാറിൽ നിന്നും 2024 നവംബർ 3ന് മാംഗോ ജ്യൂസ് കഴിച്ചതയാണ് ബില്ലിൽ നിന്നും വ്യക്തമാകുന്നത്. റഡ്ഡിറ്റിൻ്റെ മുംബൈ കമ്മ്യൂണിറ്റിയിൽ "Operation_Whole" എന്ന റെഡ്ഡിറ്റ് യൂസറാണ് ആദ്യം ഈ പോസ്റ്റ് പങ്കുവെച്ചത്. പിന്നീട് രവി ഹൻഡ എന്ന എക്സ് ഉപഭോക്താവ് ഈ പോസ്റ്റ് എക്സിൽ റീഷെയർ ചെയ്യുകയായിരുന്നു. ഒരു മാംഗോ ജ്യൂസ് കുടിക്കാൻ ഡിസ്പോസിബിൾ പ്ലാസ്റ്റിക് ഗ്ലാസിന് 40 രൂപ ഈടാക്കുന്നത് ആരാണ്. മുംബൈ വിലപിടിച്ച നഗരമാണെന്നറിയാം, പക്ഷെ ഇത് പരിഹാസ്യമാണ് എന്ന കുറിപ്പോടെയായിരുന്നു ഈ പോസ്റ്റ് എക്സിൽ പങ്കുവെയ്ക്കപ്പെട്ടത്.
വൈറലായ ഈ പോസ്റ്റിനോടുള്ള എക്സ് ഉപഭോക്താക്കളുടെ പ്രതികരണങ്ങളും വൈറലാണ്. മാളുകളിൽ ഈടാക്കുന്ന അമിത വിലയെക്കുറിച്ച് നിരവധി പേരാണ് രംഗത്ത് വന്നിരിക്കുന്നത്. പ്ലാസ്റ്റിക് ഗ്ലാസിന് ഇത്രയും വില ഈടാക്കിയതിനെ പരിഹസിച്ചാണ് മറ്റുചിലർ രംഗത്ത് വന്നിരിക്കുന്നത്. ആ ഗ്ലാസുകൾ ആൻ്റിക് പ്ലാസ്റ്റിക് ഗ്ലാസുകളായിരിക്കുമെന്നാണ് ഒരു ഉപഭോക്താവ് പ്രതികരിച്ചത്.
Content Highlights: Person Charged Extra ₹ 40 For Plastic Glass For Mango Juice, Internet Reacts
