Get the latest news at
your fingertips!
Download our app now
LIVE TV
Search
പുതിയ വിദ്യാഭ്യാസ നയത്തിന്റെ ഭാഗമായി ത്രിഭാഷ പഠനത്തിൻ്റെ പേരിൽ തമിഴ്നാട്ടിൽ ഹിന്ദി ഉൾപ്പെടുത്താനുള്ള നീക്കം സോഷ്യൽ മീഡിയ പ്ലാറ്റ്ഫോമായ എക്സിൽ ഹാഷ്ടാഗ് യുദ്ധത്തിനും വഴിവെച്ചിരിക്കുകയാണ്. ത്രിഭാഷയുടെ ഭാഗമായി ഹിന്ദി ഉൾപ്പെടുത്താനുള്ള നീക്കത്തിനെതിരെ തമിഴ്നാട് സർക്കാ‍ർ രംഗത്ത് വന്നിരിക്കുന്ന പശ്ചാത്തലത്തിൽ സോഷ്യൽ മീഡിയയിലെ ഹാഷ്ടാഗ് യുദ്ധത്തിന് വീര്യവും കൂടുതലാണ്. #StopHindiImposition എന്ന ഹാഷ്ടാഗിന് എതിരെ പുതിയതായി ഉയർന്ന് വന്നിരിക്കുന്ന #StopCryingSpeakHindi എന്ന ഹാഷ്ടാഗാണ് ഇപ്പോൾ സോഷ്യൽ മീഡിയയിൽ രസകരമായ ചർച്ചകൾക്ക് വഴിതുറന്നിരിക്കുന്നത്.
ഹിന്ദി ത്രിഭാഷയുടെ ഭാഗമായി ഉൾപ്പെടുത്താനുള്ള നീക്കവുമായി ബന്ധപ്പെട്ടാണ് #StopHindiImposition എന്ന ഹാഷ്ടാഗ് സോഷ്യൽമീഡിയയിൽ തരംഗമാകുന്നത്. XXXX എന്ന ഹാൻ‍ഡിലായിരുന്നു തുടക്കത്തിൽ #StopHindiImposition എന്ന ഹാഷ്ടാഗ് പ്രധാനമായും പ്രചരിപ്പിച്ചത്. തമിഴ്നാട് ഐടി വകുപ്പ് മന്ത്രി പളനിവേൽ ത്യാഗ രാജൻ്റെ വീഡിയോ പങ്കുവെച്ചു കൊണ്ടായിരുന്നു #StopHindiImposition എന്ന ഹാഷ്ടാഗ് പ്രത്യക്ഷപ്പെട്ടത്.
#StopCryingSpeakHindi എന്ന ഹാഷ്ടാഗിനെ ഇന്ത്യയുടെ ഏകീകൃതഭാഷ എന്ന് പ്രമോർട്ടർമാർ വിശേഷിപ്പിച്ചതോടെ അതിൻ്റെ പ്രചാരത്തിന് ആക്കം കൂടി. ഏതൊരു ഹാഷ്‌ടാഗിലെയും പോലെ ശക്തമായ പിന്തുണയും നിരാകരണവും ഈ ഹാഷ്ടാഗിനും ഉണ്ടായി. മീമുകൾ, ഡാറ്റാ ദൃശ്യവൽക്കരണം, ഹ്രസ്വ-ഫോം വീഡിയോകൾ എന്നിവയ്‌ക്കൊപ്പം ഈ ഹാഷ്ടാഗ് ഇപ്പോൾ വൈറലാകുന്നുണ്ട്.
It is language chauvanism to force Hindi on us.
— We Dravidians (@WeDravidians) February 18, 2025
PTR PT#StopHindiImposition #SaveTNRights
Via இசை pic.twitter.com/tGCu5XBXZ6
സുരേഷ് പർമാർ എന്ന ഹാൻഡിലിൽ നിന്നാണ് #StopCryingSpeakHindi എന്ന ഹാഷ്ടാഗിന് ഏറ്റവും കൂടുതൽ വ്യൂവേഴ്സ് ഉണ്ടായത്. തമിഴും തെലുങ്കും കന്നഡയും എല്ലാം മനോഹരമായ ഭാഷയാണ്. എന്നാൽ 1.3 ബില്യൺ ആളുകളെ ഒന്നിപ്പിക്കാൻ കഴിയുന്ന ഏകഭാഷ ഹിന്ദിയാണ് എന്ന കുറിപ്പോടെയാണ് #StopCryingSpeakHindi എന്ന ഹാഷ്ടാഗ് ഉപയോഗിച്ച് സുരേഷ് പർമാർ എക്സിൽ അതിനെ പിന്തുണയ്ക്കുന്ന ഡാറ്റ പങ്കുവെച്ചത്. എത്ര ശതമാനം ആളുകൾക്ക് ഹിന്ദി സംസാരിക്കാൻ കഴിയും?’ എന്ന തലക്കെട്ടിലുള്ള ഒരു ഡാറ്റ ഗ്രാഫിക്സും ഈ കുറിപ്പിനൊപ്പം അദ്ദേഹം പങ്കുവെച്ചിട്ടുണ്ട്. അതിൽ 57 ശതമാനം ഇന്ത്യക്കാരും ഹിന്ദിയാണ് ഒന്നാമത്തെയും രണ്ടാമത്തെയും മൂന്നാമത്തെയും ഭാഷകളായി സംസാരിക്കുന്നത് എന്നും ഈ ഡാറ്റാഗ്രാഫിക്സ് സൂചിപ്പിക്കുന്നു.
വർ‌ഷങ്ങൾക്ക് മുമ്പ് ബ്രിട്ടീഷ് ഭരണം അവസാനിച്ചതോടെ ഇന്ത്യ കോളോണിയൽ സ്വാധീനത്തിനെതിരെ മുന്നേറുകയാണ്. ഹിന്ദിയെ അതിനുള്ള യഥാർത്ഥ ദേശീയ മാധ്യമമായി ഉൾക്കൊണ്ടു എന്നാണ് മറ്റൊരാൾ കുറിച്ചത്. ഇംഗ്ലീഷ് ഭാഷ അടിച്ചേൽപ്പിച്ചത് ബ്രിട്ടീഷുകാരാണ്, പക്ഷെ ഹിന്ദി നമ്മുടേതാണ്. എന്തിനാണ് നമ്മുടെ സ്വത്വത്തിൽ നിന്നും നാണിച്ച് മാറി നിൽക്കുന്നത്. നമുക്ക് ഹിന്ദി സംസാരിക്കുന്നതിൽ അഭിമാനിക്കാം എന്നായിരുന്നു മറ്റൊരു പ്രൊഫൈലിൽ നിന്നുള്ള പ്രതികരണം. പ്രസിദ്ധ സാഹിത്യകാരനായ മാധവൻ നാരായണനും ഹിന്ദിയെ അനുകൂലിക്കുന്ന പോസ്റ്റ് #StopCryingSpeakHindi ഹാഷ്ടാഗോടെ എക്സിൽ പങ്കുവെച്ചിരുന്നു. കരച്ചിൽ നിർത്തൂ, സത്യത്തെ അഭിമുഖീകരിക്കൂ എന്നായിരുന്നു മാധവൻ നാരായണൻ കുറിച്ചത്.
Tamil, Telugu, Kannada—all beautiful languages. But Hindi is the one that can unite 1.3 billion people. #StopCryingSpeakHindi pic.twitter.com/EmbCdovjb4
— Suresh Parmar® (@iamSureshParmar) February 19, 2025
മീമുകൾക്കും വീഡിയോകൾക്കും പുറമെ ചില ബ്രാൻഡ‍ുകളും ഹിന്ദി ഏറ്റെടുത്തതായി അവകാശപ്പെടുന്നു. കൊക്കോകോള എന്നത് ദേവനാഗിരി ലിപിയിൽ എഴുതിയതാണെന്ന് ഉദാഹരണ സഹിതം ഒരു ഉപയോക്താവ് #StopCryingSpeakHindi എന്ന ഹാഷ്ടാഗിൽ ചൂണ്ടിക്കാണിക്കുന്നു.
ഹിന്ദി ഇന്ത്യയെ ഒന്നിപ്പിക്കുമോ അതോ വിഭജിക്കുമോ എന്ന നിലയിലുള്ള ചർച്ച കൊഴുക്കുമ്പോൾ സോഷ്യൽ മീഡിയയിൽ #StopHindiImposition V/S #StopCryingSpeakHindi എന്ന ഹാഷ്ടാഗ് യുദ്ധമാണ് ഇപ്പോൾ വൈറൽ.
Content Highlights: 'Stop crying speak Hindi' trends on social media as language battle continues
